Lonavala :

महाराष्ट्रातील लाखो भाविकांचे श्रद्धास्थान कोळी, आग्री, आणि ठाकरे कुटुंबियाची कुलदैवत असलेल्या कार्ला गडावरील चैत्री यात्रेचा आई एकवीरा देवीचा मानाचा पालखी सोहळा एकवीरा गडावर मोठ्या उत्साहपूर्ण वातावरणात संपन्न झाला. आई माउलीचा उदो उदो' ' आई आयलो' च्या नामघोषांनी तसेच गीतांच्या तालावर नृत्य करत अवघा कार्ला गड दुमदुमून गेला. (Maharashtra News)

कड़क पोलिस बंदोबस्तात पालखीचे मानकरी असलेल्या चौल,आग्राव व ठाणेकर यांनी पालखीला खांदा लावत 'आई राजा उदो उदो चा गजर केला. यावेळी पालखीचे दर्शन घेण्यासाठी व सोहळा पाहण्यासाठी भाविकांनी गडावर तुफान गर्दी केली होती.

मुंबई व कोकण भागातून शेकडो पायी पालख्या गडावर आल्या होत्या. काही दिवस कित्येक तास पायी प्रवास करत भाविक कार्ल्यात दाखल झाले होते. यात्रेकरिता कार्ला व वेहेरगावचा परिसर सजला होता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हारफुले, प्रसाद, कुंकू व खेळणी विक्रेते यांची दुकाने साहित्यांनी सजली होती. येणाऱ्या भाविकांना त्रास होऊ नये याकरिता तालुका प्रशासन व पोलिस विभाग यांच्याकडून चोख बंदोबस्त ठेवला होता.

Edited By : Siddharth Latkar