पुण्यातल्या मावळमध्ये रविवारी मोठी दुर्घटना घडली होती. कुंडमळ्यातील इंद्रायणी नदीवरील पूल कोसळला होता. या दुर्घटनेत चौघांचा मृत्यू झाला होता. हा पूल नेमका कसा कोसळला याचा फोटो समोर आला आहे. पूल कोसळल्यानंतर अनेक जण इंद्रायणी नदीत वाहून गेले होते. यामधील ५१ जणांना वाचवण्यात यश आले आहे. अजूनही तीन ते चार जण बेपत्ता असल्याचे सांगितले जात आहे. एनडीआरएफ टीमकडून बचावकार्य सुरू आहे.

कुंडमळा पूल दुर्घटनेचा पहिला फोटो समोर आला आहे. या फोटोमध्ये दिसत आहे की,पूलावर पर्यटकांची मोठी गर्दी आहे. पूल कोसळून नदीत पडला. पूर्णपणे पूल वाकला असून नदीमध्ये झुकला गेला. या पुलावर असणारे सर्व पर्यटक नदीमध्ये पडले. काही जण पुलाला धरून राहिले ते वाचले पण काही पर्यटक वाहून गेले. यामधील अनेक पर्यंटकांना पोहता येत नसल्यामुळे ते वाहून गेले तर ज्यांना पोहता येत होते ते कसे तरी बाहेर पडले. या दुर्घटनेत चौघांचा मृत्यू झाला.

पुण्यातल्या मावळमध्ये कुंडमळ्यात इंद्रायणी नदीवरील पूल कोसळला. साडेतीनच्या सुमारास ही घटना घडली होती. रविवार असल्यामुळे मोठ्या संख्येने पर्यटक या ठिकाणी आले होते. कुंडमळा गावात जाण्यासाठी हा पूल होता. पूल ३० वर्षे जुना होता. पुलाला गंज लागला होता. या पूलावर एकाच वेळी जास्त पर्यटक आल्याने आणि पर्यटकांनी पुलावर दुचाकी नेल्याने ओव्हरवेट होऊ पूल कोसळल्याची माहिती समोर आली होती. आता हा पूल कोसळतानाचा फोटो समोर आला. या फोटोवरून ही घटना कशी घडली हे समजते.