Kolhapur Mumbai : कोल्हापूर- मुंबई असा प्रवास आता आणखी सुखकर होणार आहे. कारण येत्या ५ एप्रिलपासून विमानसेवेत काही बदल करण्यात येणार आहेत. आठवड्यातील चार दिवस ही विमानसेवा पुरवली जाणार असून यामध्ये मंगळवार, बुधवार, गुरूवार आणि शनिवारी ही विमानसेवा उपलब्ध असणार आहे. (Flight schedule)

स्टार एअरवेज या कंपनीने ही सेवा सुरू केली तेव्हा आठवड्यातून फक्त दोन दिवस दिले जात होते. मात्र आता आठवड्यातून ४ दिवस ही सेवा पुरवली जाणार आहे. मुंबईत असलेल्या अनेक पर्यटनस्थळी भेट देण्यासाठी आल्यावर लगेचच परतीचा प्रवास करता येत नव्हता. मात्र विमानसेवेत झालेल्या या बदलांमुळे ते शक्य झाले आहे. आता एका दिवसात मुंबई दर्शन झाल्यावर तुम्ही कोल्हापूरला जाऊ शकता.

विमानाची वेळ काय आहे?

मुंबई ते कोल्हापूर

स्टार एअरवेजचे विमान सकाळी १०:३० वाजता मुंबईहून उडाण घेईल. त्यानंतर १ तासात विमान कोल्हापूरला पोहचेल. तसेच पुन्हा तासाभराने विमान मुंबईला येणार आहे.

कोल्हापूर - मुंबई

तर कोल्हापूरहून मुंबईसाठी सकाळी 11.55 वाजता विमानाचे टेक ऑफ होणार आहे अन् मुंबईत 12 वाजून 55 मिनिटांनी लँडिंग होणार आहे.

कोल्हापूरात नागरिकांना या सेवेचा फायदा होण्यासाठी कोल्हापूर विमानतळाच्या (Airport) धावपट्टीचे विस्तारीकरण करण्याचे काम सुरू आहे. तसेच येथे प्रवाशांसाठी टॅक्सी पार्किंग, नाईट लँडिंग अशा सुविधा देखील दिल्या जात आहेत. सध्या कोल्हापूर विमानतळावरून दिल्ली, हैदराबाद, बंगळूर, तिरुपती या ठिकाणी विमानसेवा पुरवल्या जात आहेत.