पुणे: पुणे महापालिकेत भाजप (BJP) नेते किरीट सोमय्या (Kirit Somaiya) यांचे जोरदार स्वागत करण्यात आले. पुणे महानगरपालिकेच्या ज्या पायरीवर त्यांना शिवसैनिकांकडून धक्काबुक्की झाली, त्याच ठिकाणी भाजपच्या वतीने सोमय्यांचा सत्कार करण्यात आला. यावेळी भाजपचे सभागृह नेते गणेश बिडकर (Ganesh Bidkar) यांच्यासह नगरसेवक उपस्थित होते. (Kirit Somaiya felicitation Filed a case against BJP leaders)

हे देखील पहा-

पुणे (Pune) महापालिकेत किरीट सोमय्या यांचा भाजपने (BJP) केलेल्या सत्कार प्रकरणात शिवाजीनगर पोलिसांनी (police) गुन्हा दाखल केला आहे. पुण्यातील शिवाजीनगर पोलीस स्टेशनमध्ये गुन्हा दाखल करण्यात आला आहे. बंदी आदेश उल्लंघन, घोषणाबाजी आणि बेकायदेशीर जमाव जमवून त्या ठिकाणी गोंधळ झाला. या प्रकरणी गुन्हा दाखल करण्यात आला आहे. महापालिकेत शिवसैनिकांनी (Shiv Sainik) किरीट सोमय्या यांच्यावर हल्ला केला होता. त्याचठिकाणी त्यानंतर भाजपकडून किरीट यांचा सत्कार करण्यात आला. त्यावेळी मोठ्या प्रमाणात कार्यकर्ते जमले होते. त्यामुळे आता पोलिसांनी गुन्हा दाखल केला आहे.

भाजप शहराध्यक्ष जगदीश मुळीक, बापू मानकर, राजेश येनपुरे, दीपक पोटे, धनंजय जाधव, दत्ता खाडे, गणेश घोष, प्रतीक देसरडा यांच्यासह 350 ते 400 कार्यकर्त्यांवर गुन्हे दाखल करण्यात आले आहेत. कलम १४३, १४५, १४७,१४९, ४२७, महाराष्ट्र पोलीस अधिनियम ३७(३) आणि १३५ अंतर्गत या सर्वांवर गुन्हे दाखल करण्यात आले आहेत.

Edited By- Digambar Jadhav