वसई विरार - मीरा रोड येथे २५ लाखांच्या खंडणीसाठी १४ वर्षीय मुलाचे अपहरण करुन हत्या केल्याचे धक्कादायक प्रकार मिरा रोड (Mira Road) येथे उघडकीस आला आहे. काशिमिरा पोलिसांनी (Police) याप्रकरणी २ आरोपींना अटक केली आहे.

मिरा रोड येथील शांतीपार्क परिसरात हिना नहार सिंग ही महिला दोन मुलांस राहते. ती बोरिवलीच्या एका बार मध्ये गायिका म्हणून काम करते. रविवारी रात्री ती नेहमप्रमाणे कामावर गेली होती. रात्री १२ च्या सुमारास तिचा १ मुलगा हा घरातून बेपत्ता झाला होता. याप्रकरणी काशिमिरा पोलीस ठाण्यात अपहरणाचा गुन्हा दाखल करण्यात आला होता.

हे देखील पाहा -

त्यानंतर मंगळवारी दुपारी या मुलाचा मृतदेह वालीव पोलीस ठाण्याच्या हद्दीत सापडला. या मुलाची चाकूने भोसकून हत्या करण्यात आली होती. या प्रकरणी काशिमिरा पोलिसांनी दोन आरोपींना अटक केली आहे. आरोपी हे मयत मुलाचे मित्र असल्याची माहिती समोर आली आहे. पीडित मुलाची आई बारबाला असल्याने तिच्याकडे भरपूर पैसे असतील असे त्यांना वाटले. पैशांच्या आमिषाने त्यांनी मुलाचे अपहरण करून खंडणीचा बनाव रचला होता.

दरम्यान, त्या मुलाला संशय आल्याने आरोपींनी त्याची हत्या केली आणि नंतर त्याच्याच फोनने खंडणी मागितली, असे पोलिसांनी सांगितले. याप्रकरणी काशिमिरा पोलीस सखोल तपास करीत असून त्यांनी नेमकी हत्या का केली. खंडणी साठी की अन्य काही कारण होते याचा तपास पोलीस करीत आहेत.