अभिजीत देशमुख, साम टीव्ही, प्रतिनिधी

Kalyan News : कल्याण पश्चिमेकडील रहेजा कॉम्प्लेक्स या परिसरात सत्यम इमारतीमधील मदरशाचे अनधिकृत बांधकाम झाल्याची तक्रार एका महिला डॉक्टरकडून करण्यात आली होती. या तक्रारीची दखल घेत कल्याण डोबिंवली महानगरपालिकेने पोलीस बंदोबस्तामध्ये मदरसाच्या अनधिकृत बांधकामावर हातोडा चालवला.

मिळालेल्या माहितीनुसार, कल्याणमधील रहेजा कॉम्प्लेक्समधील एका इमारतीमध्ये मदरसाचे अनधिकृतपणे बांधकाम करण्यात आले होते. एका रहिवाशी इमारतीच्या तळमजल्यावर हा मदरसा इमारतीच्या बांधकामात बदल करुन उभारण्यात आला होता. या संदर्भात केडीएमसीकडे एका महिला डॉक्टरने केली होती.

तक्रारीनंतर कल्याण डोबिंवली महानगरपालिकेकडून तोडक कारवाईला सुरुवात करण्यात आली. मदरश्यावरील कारवाई दरम्यान परिसरात तणावाचे वातावरण निर्माण झाले होते. काही स्थानिक रहिवाश्यांनी अधिकाऱ्यांना बांधकाम पाडल्यासंदर्भात जाब विचारण्याचा प्रयत्न केला. पण पोलिसांनी मध्यस्थी करत वातावरण शांत केले.

कल्याणमधील रहेजा परिसरात बेकायदेशीर पद्धतीने मदरशाचे बांधकाम करण्यात आले होते. या बांधकामाच्या विरोधात तक्रार केल्यानंतर कल्याण-डोबिंवली महानगरपालिकेच्या अधिकाऱ्यांनी अनधिकृत बांधकामावर हातोडा चालवत जमीनदोस्त केले. कारवाईदरम्यान काही वेळा तणावाचे वातावरण निर्माण झाले होते.