अभिजीत देशमुख, कल्याण

कल्याण आणि डोंबिवलीमधील नागरिकांसाठी महत्वाची बातमी आहे. कल्याण शीळ रोडवरील निळजे पुलाच्या पुनर्बांधणीसाठी वाहतुकीत बदल करण्यात आले आहे. ५ फेब्रुवारी ते १० फेब्रुवारीच्या काळात कल्याण - शीळ रोडवर जड- अवजड वाहनांना प्रवेश बंदी करण्यात आली आहे. वाहतुककोंडी टाळण्यासाठी हलक्या वाहनांना पर्यायी मार्गाचा वापर करण्याचे आवाहन वाहतूक विभागाकडून करण्यात आले आहे.

कल्याण - शिळ मार्गावरील पलावा येथील रेल्वेवरील निळजे पुलाच्या पुनर्बांधणीचे काम येत्या ५ ते १० फेब्रुवारी दरम्यान केले जाणार आहे. त्यामुळे या काळात पलावा जंक्शनकडे जाणारी वाहतूक बंद ठेवली जाणार आहे. या कालावधीत या मार्गावरून जाणाऱ्या हलक्या वाहनांना विरुद्ध दिशेकडील रस्त्याने जाता ये.ईल मात्र जड आणि अवजड वाहनांना कल्याण - शीळ रोडवर या काळात प्रवेश बंदी करण्यात आली आहे. तसेच कोंडी टाळण्यासाठी वाहनचालकांनी खोणी तळोजा मार्गाचा तसेच डोंबिवली मोठागाव मानकोली पुलाचा वापर करावा असे आवाहन वाहतूक पोलिसांनी केलं आहे.

कल्याण -शिळ मार्गावरील एकस्पिरीया मॉलजवळील पलावा जंक्शनकडे जाणाऱ्या दिशेने रेल्वेच्या अखत्यारीतील निळजे पुलाच्या पुनर्बांधणीचे काम डेडिकेटेड फ्रेट कोरिडोर प्रकल्पाअंतर्गत ५ फेब्रुवारी ते १० फेब्रुवारीदरम्यान केले जाणार आहे. यामुळे ही मार्गिका वाहतुकीसाठी ५ फेब्रुवारी रात्री १२ वाजता वाहतुकीसाठी बंद करण्यात येणार आहे. दरम्यान या काळात छोट्या वाहनानी ठाण्याच्या दिशेने जाण्यासाठी डोंबिवलीतील मोठागाव माणकोली पुलाचा वापर करावा तसेच नवी मुंबईकडे जाण्यासाठी वाहनचालकांनी काटाई जंक्शनवरून पाईप लाईन मार्गे एमआयडीसी तळोजा मार्गाचा वापर करावा.

तर हलक्या वाहनाना विरुद्ध दिशेची मार्गिका वापरता येणार आहे. हलक्या आणि मध्यम स्वरूपाच्या वाहनांनी कटाई नाका - कटाई गाव कमान मार्गे विरुद्ध वाहिनीवरून पुढे जाऊन पुढे पलावा जंक्शन येथे नियमित वाहिनीवरून प्रवास करावा तर या काळात जड आणि अवजड वाहनांना कल्याण शिळ मार्गावर प्रवेश बंदी करण्यात आली असून वाहनचालकांनी वाहतुकीच्या अधिसूचनेचे पालन करत सहकार्य करावे असे आवाहन वाहतूक विभागाने केले आहे.