कल्याण : मलंगगडच्या डोंगरावर अडकलेल्या एका गाईच्या वासराला वाचवण्यात तरुणांना यश आले आहे. काकडवाल गावातील तरुणांनी या वासराला जीवनदान दिले आहे. त्यामुळे सध्या या तरुणांचे सर्वत्र कौतुक केले जात आहे. दरम्यान, या घटनेचा व्हिडिओ (Video) चांगलाच व्हायरल झाला आहे.

गेल्या दोन दिवसापासून सुरू असलेल्या पावसामुळे मदत कार्यात अडथळा येत होता, पण तरुणांनी अखेर या गाईला वरती सुखरुप काढले.

कल्याण जवळील मलंगगडच्या मागील बाजूस वावंजे परिसरातील दरीत गाईचे वासरू अडकल्याची माहिती काकडवाल गावातील तरुणांना मिळाली. माहिती मिळताच त्यांनी त्या वासराला वाचवण्यासाठी प्रयत्न सुरू केले.अखेर अथक प्रयत्नांनंतर या तरुणांनी या वासराला बाहेर काढले आहे.

गेले चार दिवस हे वासरू अडकल्याचे स्थानिकांनी सांगितले. तर दहा ते पंधरा तरुणांनी या वासराचे जीव वाचवल्याने या कामगिरीचे सध्या सर्वत्र कौतुक केले जात आहे. दरम्यान, या घटनेचा व्हिडिओ (Video) सोशल मीडियावर व्हायरल झाला आहे.