- फय्याज शेख

Jawhar News :

आदिवासी विकास महामंडळाच्या जव्हार प्रादेशिक कार्यालयामार्फत आधारभूत किंमत खरेदी योजनेमध्ये सहभागी होणाऱ्या गिरणी धारकांनी शासकीय अधिकाऱ्यांच्या संगनमताने सुमारे दोन कोटी रुपयांची बनावट बँक हमीपत्र दिल्याप्रकरणात जव्हार पोलीस ठाण्यात तत्कालीन प्रादेशिक अधिकारी लिपीक यांच्यासह दोन गिरणी धारकां विरुद्ध गुन्हा दाखल करण्यात आला आहे. (Maharashtra News)

गेल्या अनेक महिन्यांपासून आदिवासी विकास महामंडळाच्या जव्हार प्रादेशिक अंतर्गत येणाऱ्या महामंडळाचा भात खरेदी घोटाळा प्रकरण ताजा असतानाच आता नव्याने एक प्रकार उघडकीस आला आहे.

भात भरडाई गिरणी मालकांनी तत्कालीन आदिवासी महामंडळाचे प्रादेशिक अधिकारी व लिपीक यांच्या सहकार्याने बॅकेचे दोन कोटी रुपयांचे बनावट हमीपत्र दिल्याने आदिवासी विकास महामंडळाचे व्यवस्थापक योगेश पाटील यांनी जव्हार पोलिस ठाण्यात फिर्याद दिली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या प्रकरणी जव्हार पोलिस ठाण्यात गुन्हा (रजिस्टर 289/23 कलम 420,464,465,471,472,34 प्रमाणे) गुन्हा दाखल करण्यात आला आहे. पुढील तपास जव्हार पोलिस करत आहेत.

Edited By : Siddharth Latkar