मंबई : आज सकाळी युवा सेनेचे पदाधिकारी राहुल कनाल (Rahul Kanal) यांच्या घरावर आयकर विभागाने धाड मारली. त्यानंतर परिवहन मंत्री अनिल परब (Anil Parab) यांचे निकटवर्तीय तसंच परिवहन अधिकारी शिवसैनिक संजय कदम (Sanjay Kadam) यांच्या घरावर आयकर विभागाने धाड मारली असतानाच आताअनिल परब यांचे CA व्हि एस परब यांच्या कार्यालयावर आयकर विभागाने छापेमारी सुरु केली आहे.

मुंबईील वांद्रे एमआयजी परिसरातील एलिट इमारतीत ही छापेमारी सुरु आहे. दरम्यान मंत्री परब यांच्याशी संबंधित अधिकारी बजरंग खरमाटेंच्या (Bajrang Kharmate) यांच्या घरी देखील आयकरने छापेमारी केली असून ही सर्व छापेमारी राजकीय हेतूने केली जात असल्याचं सत्ताधारी म्हणत आहेत. मागील वेळेसही शिवसेना खासदार संजय राऊत (Sanjay Raut) यांनी पत्रकार परिषद घेतली त्यावेळी देखील अशाच प्रकारे धाडी पडल्या आणि त्याचीच पुनरावृत्ती झाल्याचे सेनेकडून सांगितलं जात आहे.

Edited By - Jagdish Patil