मुंबई: मुंबईकरांसाठी एक दिलासादायक बातमी आहे. मुंबईत (Mumbai) गेल्या दोन दिवसांत कोरोना रुग्णसंख्येत घट झाली आहे. गेल्या २ दिवसात मुंबईचा कोरोना बधितांचा आकडा ३०% वरून २०% पर्यंत खाली आला आहे. गेल्या ४ दिवसांत दैनंदिन कोरोना बाधित (Corona Positive) रुग्णसंख्या २०७०० वरून ११६४७ पर्यंत खाली आली आहे तर रुग्णालयातील ८०% खाटा रिक्त आहेत. (Mumbai Covid Latest Updates)

हे देखील पहा -

काल १ दिवसात ८५१ इतक्या रूग्णालयांमध्ये असलेले बेड्स भरले गेले, मात्र त्याचवेळी काल ९६६ बेड्स रिकामे झालेत. २१ डिसेंबर २०२१ रोजी तिसरी लाट सुरू झाल्यापासून या तिसऱ्या कोविड लाटेमुळे २२ दिवसांत ४६ मृत्यू झालेत, यात दररोज सरासरी २ मृत्यू होतायत. घाबरू नका पण अत्यंत सावधगिरी बाळगा असं आवाहन पालिका (BMC) आयुक्त इक्बालसिंह चहल यांनी मुंबईकरांना केलं आहे. तसेच मुखपट्टीचा वापर करा आणि कोविड नियमांचं पालन करण्याचं आवाहन केलं आहे.

Edited By - Akshay Baisane