सूरज सावंत

Mumbai Crime News : मुंबईच्या पवईतून संतापजनक प्रकार समोर आला आहे. आयआयटी बॉम्बेमधील शौचालयाच्या खिडकीतून आरोपी डोकावत असल्याची घटना घडली आहे. सदर घटनेनंतर आयआयटी बॉम्बेमध्ये एकच खळबळ उडाली आहे. या प्रकरणी पोलिसांनी महिलांच्या शौचालयात डोकावणाऱ्यास पवई (Powai) पोलिसांनी अटक केली आहे.

मिळालेल्या महितीनुसार, पवईच्या आयआयटी बॉम्बेची एक विद्यार्थिनी शौचालयात असताना खिडकीतून आरोपी डोकावत असल्याची घटना घडली आहे. रविवारी रात्री सदर घटना उघडकीस आली आहे. या घटनेने आयआयटी बॉम्बे एकच खळबळ उडाली आहे. सदर प्रकारानंतर आयआयटी बॉम्बेमधील विद्यार्थीनीने पोलिसांत तक्रार दाखल केली होती. त्यानंतर आयआयटी बॉम्बेच्या सुरक्षा कर्मचाऱ्यांनी पिंटू गरिया नामक या आरोपी व्यक्तीला पकडून पोलिसांच्या ताब्यात दिले.

पिंटू गरिया असे कॅन्टीनमध्ये काम करणाऱ्या व्यक्तीचे नाव आहे. अटक करण्यात आलेला व्यक्ती कॅन्टीनमध्ये काम करणारा कर्मचारी आहे. आरोपी पिंटू गरियावर गुन्हा नोंदवून त्याला गुन्हा नोंदवून त्याला अटक केल्याची माहिती झोन १०चे डीसीपी महेश्वर रेड्डी यांनी दिली आहे. या प्रकरणी पोलीस अधिक तपास करत आहे.

मुलींचे व्हिडिओ लीक प्रकरणी दोघांना अटक; पोलिसांची कारवाई

दरम्यान, काही दिवसांपूर्वी चंदीगढ विद्यापीठाच्या (Chandigarh University) मोहाली येथील मुलींच्या वसतीगृहातील सुमारे ६० मुलींचा आंघोळ करतानाचे व्हिडिओ (Viral Video) इंटरनेटवर व्हायरल झाल्याचा प्रकार घडला होता. धक्कादायक बाब म्हणजे या मुलीचे व्हिडिओ बनवणारी व्यक्ती दुसरी-तिसरी कुणी नसून त्यांच्याच हॉस्टेलमध्ये राहणारी एक विद्यार्थिनी होती. सदर विद्यार्थिनी तिच्या मित्राला व्हिडिओ पाठवायची. या प्रकरणी पोलिसांनी (Police)दोघांना अटक केली आहे.