नितीन पाटणकर, साम टीव्ही, प्रतिनिधी

मराठा आंदोलन आणि ओबीसी आंदोलन लक्ष्मण हाके यांच्यामध्ये पुण्यात संघर्ष पाहायला मिळतोय. हाके यांनी मद्यप्राशन करून मराठा आंदोलन यांना शिवीगाळ आणि जीवेमारण्याची धमकी दिल्याचा आरोप मराठा आंदोलकांनी केला आहे. या घटनेनंतर मराठा आंदोलकांनी हाके यांना कोढंवा पोलीस स्टेशन या ठिकाणी आणले आहेत. मराठा आंदोलकांच्या आरोपांवर लक्ष्मण हाके यांनी आता स्पष्टीकरण दिलं आहे.

स्पष्टीकरण देताना काय म्हणाले लक्ष्मण हाके?

स्पष्टीकरण देताना लक्ष्मण हाके म्हणाले आहेत की, '' मी कोणतीही टेस्ट करायला तयार आहे. ⁠मी मद्यप्राशन केलेलं नाही. ⁠मी दारू पिलोय, असा आरोप करून कोणी ओबीसीचा आवाज दडपू शकत नाही. ⁠मी माझी चळवळ माझं काम सुरूच ठेवणार आहे.''

ते म्हणाले की,⁠ ''मी पोलिसांच्या समोर उपस्थित आहे. पोलीस म्हणतील त्याप्रमाणे प्रत्येक टेस्ट करायला मी तयार आहे. ⁠मला जीवेमारण्याचा प्रयत्न झाला आहे. ⁠या विरोधात मी माझी तक्रार पोलिसांकडे देणार आहे.''

लक्ष्मण हाके पुढे म्हणाले की, '⁠पाच वाजल्यापासून दोन लोक माझ्या मागावर होते. ⁠या दोन लोकांनी पाच वाजता माझ्याशी चर्चा केली. ⁠त्यानंतर याच दोन लोकांनी सात वाजल्यानंतर माझी कॉलर पकडून माझ्याकडून दारू पिलो असल्याचे ओतून घेण्याचा प्रयत्न केला.''

दरम्यान, या संपूर्ण प्रकरणानंतर मराठा आंदोलक आक्रमक झाले आहेत. पोलीस स्टेशनच्या आवारात मराठा आंदोलक घुसले आहेत. त्यांनी हाके यांची मेडिकल टेस्ट करण्याची मागणी केली. यानंतर आता लक्ष्मण हाके यांना पोलिसांनी मेडिकल टेस्टसाठी नेल आहे.