महेंद्र वानखेडे, साम टीव्ही प्रतिनिधी

वसई : रक्षाबंधनाच्या दिवशी वसईतून दु:खद बातमी समोर आली आहे. वसईतून जाणाऱ्या मुंबई-अहमदाबाद महामार्गावर भीषण अपघाताची घटना घडली आहे. या महामार्गावर रक्षाबंधनाच्या आदल्या दिवशी पती-पत्नीचा अपघात झाला. रविवारी सायंकाळी ५ वाजता घडलेल्या भीषण अपघाताच्या घटनेने बहीण-भाऊ दूर झाले आहेत.

मुंबई-अहमदाबाद महामार्गावर रविवारी पती-पत्नीचा भीषण अपघात झाल्याची घटना घडली आहे. भावाला राखी बांधायला निघालेल्या महिलेचा भीषण अपघाताचा मृत्यू झाला आहे. महामार्गावरील अपघातात ट्रक-चालकच्या धडकेत दुचाकीवर असलेल्या पती,पत्नीचा दुर्दैवी मृत्यू झाला आहे.

मिरारोडवरून विरारला भावाला राखी बांधण्यासाठी बहीण जात होती. ६२ वर्षीय प्रेमा रूपचंद उपाध्याय तर ६७ वर्षीय रूपचंद राममुरत उपाध्याय असे मृत व्यक्तीचे नाव आहेत. ट्रक चालक प्रकाश रावत याला ताब्यात घेतले आहे. या प्रकरणी पोलिसांनी ट्रक चालकाच्या विरोधात पेल्हार पोलिस ठाण्यात गुन्हा दाखल करण्यात आला आहे.

रक्षाबंधनापूर्वी बहिणभावाचा अपघातात दुर्दैवी मृत्यू

रक्षाबंधनासाठी आलेल्या बहिणीला कारमधून गावाकडे घेऊन जाताना भीषण अपघात झालाय. यामध्ये मंगळवेढा येथील बहीण भावाचा दुर्दैवी मृत्यू झालाय. हा अपघात रविवारी सायंकाळी पंढरपूर जवळच्या गोपाळपूर येथे झाला. या अपघातात तात्या जाधव आणि ऋतुजा जाधव या दोघांचा मृत्यू झाला आहे.

पंढरपूरहून मंगळवेढाकडे निघालेल्या स्विफ्ट कारला समोरून येणाऱ्या टेम्पोने जोरदार धडक दिली. यामध्ये कारचा चक्काचूर झाला. यामध्ये बहीण-भाऊ जागीच ठार झाले आहेत. या घटनेने सर्वत्र हळहळ व्यक्त केली जात आहे.