Ulhasnagar News: उल्हासनगर मध्ये सोमवारी सायंकाळी एक धक्कादायक घटना घडली. वरातीत नाचता नाचता 12 वऱ्हाडी हॉस्पिटलमध्ये पोहचले. नवरदेवाच्या कारने 12 वऱ्हाड्यांना चिरडले आहे. लग्न समारंभात झालेल्या या विचित्र अपघातामुळे एकच गोंधळ उडाला. याप्रकरणी उल्हासनगरच्या मध्यवर्ती पोलीस ठाण्यात चालका विरोधात गुन्हा दाखल करण्यात आला आहे. (Latest Marathi News)

उल्हासनगर (Ulhasnagar) येथील शांतीनगर भागात असलेल्या प्रवीण इंटरनॅशनल या हॉटेलमध्ये एक लग्न होते. यावेळी नवऱ्याचे वऱ्हाड हॉटेलच्या पार्किंग मध्ये पोहोचले असता, नवरदेवाचे वऱ्हाड त्याच्या कारच्या समोर नाचत होते. इतक्यात लग्नात नाचणाऱ्या 12 वऱ्हाड्यांना नवरदेवाच्या कारने चिडल्याची घटना घडली आहे. (Accident News)

या दुर्घटनेत 12 वऱ्हाडी जखमी झाले असून एका जणांची प्रकृती चिंताजनक आहे. या रुग्णास मुंबई येथील रुग्णालयात (Hospital) पाठविण्यात आले असून तर तीन जणांवर उल्हासनगर मधील मीरा एन एक्स रुग्णालयात अतिदक्षता विभागात उपचार सुरू आहेत.

तसेच 8 जखमींना प्राथमिक उपचार करून घरी सोडण्यात आले आहे. जखमींनध्ये बहुतांश महिला आहेत. या प्रकरणी मध्यवर्ती पोलिसांनी कार ताब्यात घेतली असून कार चालकाला अटक केली आहे. सुदैवाने या घटनेत कोणतीही जीवित आणि झाली नसून, मध्यवर्ती पोलिसांनी अधिक तपास सुरू केला आहे.