अभिजित देशमुख

Dombivli:

डोंबिवलीत राजूनगर परिसरात अपघाताची एक मोठी घटना घडलीये. एक अडीच वर्षाची चिमुकली आणि तिचे वडील खाडीत बुडालेत. पोलिसांनी तसेच फायर ब्रिगेडने शोध मोहिम सुरू केली आहे. फायर ब्रिगेडचे कर्मचारी त्यांचा शोधत आहेत. तसेच दोघांची ओळख पटविण्यासाठी अधिक तपास सुरू आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, डोंबिवली पश्चिमेतील राजूनगर परिसरात खाडी किनारी एक व्यक्ती आपल्या अडीच वर्षाच्या मुलीसह आले होते. ती मुलगी खेळत होती, खेळत असताना ती खाडी किनारी गेली. अचानाक ती पाण्यात पडली. तिला पाहून तेथे असलेले तिचे बाबा तिला वाचवण्यासाठी पुढे धावले.

त्यांनी पाण्यात उडी मारली. या दोघांना पाहून चांद शेख नावाचा तरुण त्यांना वाचवण्यासाठी धावला. मात्र तोपर्यंत ते दोघेही बुडाले होते. काही अंतरावर चांद शेख यांनी त्या वडिलांचा हात पाहिला. मात्र तो त्यांना वाचवू शकला नाही. त्याने याबाबत माजी नगरसेवक विकास म्हात्रे यांना माहिती दिली.

घटनेची माहिती मिळताच त्यांनी घटनास्थळी धाव घेतली. तसेच घटनेबात विष्णूनगर पोलिसांना याबाबत माहिती दिली. वरिष्ठ पोलिस निरिक्षक मोहन खंदारे त्यांच्या पोलिस पथकासोबत खाडी किनारी पोहचले. फायर ब्रिगेडच्या पथकही दाखल झाले आहेत. शोध मोहिम सुरु झाली आहे. हे दोघे कोण होते? ते कोठून आले? याचा तपास पोलीस करत आहेत. अत्यंत दुर्दैवी घटना घडल्याने परिसराता एकच खळबळ उडाली आहे.