मुंबई : महानगरपालिकेच्या सफाई कामगारांच्या वसाहतींच्या पुनर्विकाची आश्रय योजना चौकशीत फेऱ्यात सापडली असून त्यासाठी खुद्द राज्यपाल भगत सिंह कोश्यारी यांनीच लोकायुक्तांना पत्र पाठविले असून राज्यपालांची या योजनेची चौकशी करण्याची सूचना लोकायुक्तांना दिल्या आहेत. महानगरपालिकेच्या सफाई कामगारांच्या वसाहतींच्या पुनर्विकाची आश्रय योजना चौकशीत अडकली आहे.

भाजपकडून (BJP) तक्रार आल्यानंतर राज्यपाल भगत सिंह कोश्यारी (BhagatSingh Koshyari) यांनी लोकायुक्तांना या प्रकरणाची चौकशी करण्याची सूचना केली आहे. सफाई कामगारांच्या 39 वसाहतींचा पुनर्विकास करण्यात येणार आहे. या आश्रय योजनेत आता पर्यंत 1 हजार 844 कोटी रुपयांचे प्रस्ताव महापालिकेत (BMC) मंजूर झाले आहेत.

हे देखील पहा -

हे प्रस्ताव मंजूर होत असतानाच भाजपाने त्यावरती आक्षेप नोंदवला होता. मात्र भाजपच्या आक्षेपानंतरही तो प्रस्ताव मंजूर झाल्याने भाजपचे स्थायी समिती समिती सदस्य विनोद मिश्रा यांनी राज्यपाल भगतसिंह कोश्यारी यांच्याकडे लेखी तक्रार केली होती. या तक्रारीची दखल घेऊन राज्यपालांनी या प्रकरणात लोकायुक्तांना चौकशी करण्याची सूचना केली आहे. त्यामुळे शिवसेना (Shivsena) आणि राज्यपाल यांच्यातील वाद नव्याने पेटण्याची शक्यता नाकारता येत नाही.

Edited By - Jagdish Patil