मावळ : मावळ (maval) तालुका राष्ट्रवादी काँग्रेस (ncp) पक्षाच्या अध्यक्षपदी गणेश खांडगे यांची आज एकमताने निवड करण्यात आली. पक्षाच्या संघटनात्मक धोरणानुसार मागील आठवड्यात मावळ तालुकाध्यक्ष बबनराव भेगडे यांनी तालुकाध्यक्ष पदाचा राजीनामा (resignation) जिल्हाध्यक्ष प्रदीप गारठकर यांच्याकडे दिल्यानंतर नवीन अध्यक्ष कोण हाेणार याकडे सर्वांच्या नजरा लागल्या होत्या. (maval latest marathi news)

आज सर्व प्रमुख पदाधिकार्‍यांनी गणेश खांडगे यांची एकमताने निवड जाहीर केली. गणेश खांडगे हे राष्ट्रवादी काँग्रेसचे एकनिष्ठ कार्यकर्ते म्हणून ओळखले जातात. राष्ट्रवादी युवक काँग्रेसचे मावळ तालुकाध्यक्ष म्हणून त्यांनी तब्बल सात वर्ष जबाबदारी सांभाळत युवकांचे मोठे संघटन उभे केले होते.

पक्ष संघटना हेच केंद्रबिंदू मानून मावळ तालुक्यातील प्रत्येक शहरात व ग्रामीण भागातील गावे, वाड्या वस्त्यांवर पक्ष वाढीसाठी प्रयत्न करणार तसेच संघटनेच्या माध्यमातून नागरिकांचे प्रश्न सोडविण्याला प्राधान्य देणार असल्याचे गणेश खांडगे यांनी निवडीनंतर बोलताना नमूद केले.

Edited by : Siddharth Latkar