राज्यातलं वातावरण हिंदीसक्तीविरोधात तापलेलं असतांना फक्त याच पॉवरफुल्ल महिलांनी मराठीचं कौतुक केलंय असं नाही तर हिंदू धर्माचे संरक्षक वेदांतातून सनातन धर्माला अध्यात्मिकतेची दिशा देणाऱ्या शंकराचार्यांनी देखील अभिजात मराठीची पताका फडकवलीये.

राज्यात मराठी भाषेचं आंदोलन पेटलं आणि अनेक परभाषिकांनी मराठीतून व्यक्त व्हायला सुरूवात केली.. राज ठाकरेंनी मराठी नाकारणाऱ्यांना थेट अंगावर घेण्याचं आवाहन केलं होतं.

त्यामुळे मराठीच्या संवर्धनासाठी हात सोडून आंदोलन करण्यात आली.. मात्र आता तेच हात जोडून मराठी शिकवणारेत. परप्रांतीय व्यापाऱ्यांसाठी मनसे थेट मराठी भाषेचे वर्ग घेणार आहे.

मनसेनं आधीपासूनच राज्यात मराठीचा आग्रह करत आक्रमकच भूमिका घेतली होती. एप्रिलमध्ये ठाकरे सेनेनं देखिल घाबरु नका मराठी शिका असं म्हणत परप्रांतियांसाठी क्लास घेतले होते. आणि आता ठाकरे गटाच्या पावलावर पाऊल ठेवत मनसेनं मराठीचे वर्ग भरवल्यानं व्यापाऱ्यांनी त्याला उत्स्फूर्त प्रतिसाद दिलाय.

एकूणच मराठीच्या मुद्दयावरून थेट गुद्यावर येण्याएऐवजी मनसेनं घेतलेला हा निर्णय स्तुत्यच. दुसरीकडे महाराष्ट्रात राहून, स्थानिकांसोबतच व्यवसाय करून पैसे कमावणाऱ्यांनीही आता अ आ इ ई चा पाठ गिरवायला सुरवात केली असले तर उत्तमच...