नवी मुंबई - राज्याचे उपमुख्यमंत्री अजित पवार यांच्या वाढदिवसानिमित्त राष्ट्रवादी काँग्रेस पार्टीचे महाराष्ट्र प्रदेश उपाध्यक्ष नामदेव रामा भगत यांच्यातर्फे नेरुळ येथे दीड हजार नागरिकांना मोफत जेवणाचे किट वाटप करण्यात आले. तसेच वृक्षारोपणही करण्यात आले. घरकाम करणाऱ्या 850 महिला कामगारांना साखर वाटप करण्यात आली. (Food donation and tree planting in Navi Mumbai on ajit pawar's birthday)

हे देखील पहा -

नामदेव भगत यांनी राष्ट्रवादी मध्ये प्रवेश केल्यानंतर जोरदारपणे पक्ष बांधणी करताना दिसून येत आहे. विविध उपक्रम पक्षामार्फत राबवत आहेत. त्यामुळे नवी मुंबईमध्ये राष्ट्रवादीचे अस्तित्व नसताना नामदेव भगत आल्याने पक्षाची मोर्चाबांधणी होत आहे. भगत यांनी नवी मुंबई महानगरपालिका निवडणूकीसाठी आणि पक्षाची ताकद वाढवण्यासाठी कबर कसली आहे. समाजसेवक संजय ठाकूर, किशोर पाटील, दिलीप घरत तसेच संजय ठाकूर मित्र मंडळाच्या सर्व सदस्यांनी सदर उपक्रमास मदत केली. सदर उपक्रम यशस्वी करण्यासाठी सहकार्य केलेल्या पदाधिकारी कार्यकर्त्यांचे नामदेव भगत यांनी आभार मानले.

Edited By - Akshay Baisane