- सचिन कदम

Raigad News : रायगड (Raigad) जिल्ह्यातील माणगाव म्हसळा रस्त्यावर शुक्रवारी दुचाकी स्वारास कार आडवी मारुन फिल्मी स्टाईलने जबरी चोरी (filmy style chori) करण्यात आली. या घटनेत संशयितांनी तब्बल 5 लाख 57 हजार रुपयांची रोकड लुटून नेली आहे. माणगाव पाेलिस (mangaon police) घटनेचा तपास करीत आहेत. (Maharashtra News)

प्रथम पारावे (राहणार गारेगाव) यांनी घटनेबाबत पाेलिसांत दिलेल्या तक्रारीत मी माझ्या दुचाकीवरुन माणगावकडे येत असताना मौजे मोर्बा गाव हद्दीत पांढऱ्या रंगाच्या विना नंबर प्लेटची कार माझ्या दुचाकीला आडवी मारली.

या कारमध्ये तिघेजण हाेते. या तिघांनी माझ्याकडील बॅगची मागणी केली. मी नकार देताच त्यांनी बॅग हिसकावुन पोबारा केला. या बॅगमध्ये सुमारे 5 लाख 57 हजार रुपये हाेते. माणगाव पोलिसांनी पारावे यांच्या तक्रारीनूसार तीन अज्ञातांवर गुन्हा दाखल केला आहे. माणगाव पाेलिस घटनेचा तपास करीत आहेत.

Edited By : Siddharth Latkar