संजय गडदे, साम टीव्ही
मुंबईच्या दादरमधील कोहिनूर इमारतीमध्ये मुंबई महापालिकेच्या पार्किंगमध्ये सोमवारी मध्यरात्री भीषण आग लागली. चौथ्या मजल्यावर लागलेल्या या आगीत जवळपास १७ ते १८ वाहने जळून खाक झाली. आगीची माहिती मिळताच अग्निशमन दलाच्या १० ते १२ गाड्या घटनास्थळी दाखल झाल्या. अथक प्रयत्नानंतर आग आटोक्यात आली. सुदैवाने या घटनेत कोणतीही जीवितहानी झाली नाही. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मात्र, आगीमुळे इमारतीचं तसंच वाहनांचं मोठं नुकसान झालं आहे. दादरमधील कोहिनूर इमारतीत कंत्राटदाराकडून नियमांचं उल्लंघन करुन गाड्यांची पार्किंग केली जात असल्याचा आरोप केला जात आहे. त्यामुळेच ही आग लागल्याचं स्थानिकांचं म्हणणं आहे.
दरम्यान,ही आग नेमकी कशामुळे लागली याचा तपास स्थानिक पोलिसांकडून केला जात आहे. कोहिनूर स्क्वेअर इमारत मुंबईतील शिवाजी पार्क परिसरात आहे. शिवसेना भवन समोरच ही इमारत असून या ठिकाणी नेहमीच वर्दळ असते.
सोमवारी मध्यरात्री कोहिनूर इमारतीमध्ये मुंबई महानगर पालिकेच्या पार्किंगमध्ये मध्यरात्री मोठी आग लागली.पार्किंगमध्ये चौथ्या मजल्यावर ही मोठी आग लागली. आगीची माहिती मिळताच अग्निशमन दलाच्या कर्मचाऱ्यांना पाचारण करण्यात आलं.
अग्निशमन दलाच्या १० ते १२ गाड्या घटनास्थळी दाखल झाल्या. तब्बल एक तासांच्या अथक प्रयत्नानंतर आगीवर नियंत्रण मिळवण्यास यश आलं. सुदैवानं आगीमध्ये कोणतीही जीवितहानी झालेली नाही.
मात्र कोहिनूर इमारतीच्या पार्किंगमध्ये पार्क केलेल्या १६ ते १७ गाड्या जळून खाक झाल्या आहेत. आग कशामुळे लागली या संदर्भात अधिक तपास स्थानिक पोलीस आणि अग्निशमन दलाचे जवान करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.