संघर्ष गांगुर्डे, साम टीव्ही

कल्याण जवळील टिटवाळा परिसरात विदेशी दारूच्या बाटल्यांमधून दारू काढून नवीन ब्रॅण्डेड बाटल्यात बनावट दारू भरणाऱ्या टोळीचा कल्याणच्या एक्साईट विभागाच्या भरारी पथकाने पर्दाफाश केला. गेल्या काही दिवसांपासून टिटवाळा मांडा परिसरात एका घरामध्ये हा गोरख धंदा सुरू होता. कल्याणच्या एक्साईज विभागाला माहिती मिळताच एक्सप्रेस विभागाच्या भरारी पथकाने या ठिकाणी छापा टाकत बनावटमध्ये साठ्यासह एकूण बारा लाख पाच हजारांचा मुद्देमाल जप्त केलाय. तर या प्रकरणी जयश्री केले रोहन केणे या दोघांना बेडा ठोकण्यात आल्या. यामध्ये जयेश केने यांच्या घरात हा कारखाना सुरू होता.

कल्याण एक्साईज विभागाच्या भरारी पथकाला मांडा टिटवाळा परिसरात मुंबई बडोदा प्रस्तावित हायवेवर बनावट मद्याचा साठा घेऊन एक गाडी येणार असल्याची माहिती मिळाली होती या माहितीनुसार भरारी पथकाचे दीपक परब यांनी आपल्या कर्मचाऱ्यांसह सापळा रचला . एक संशयित गाडी येताच या पथकाला संशय आला त्यांनी ही गाडी थांबून चौकशी केली असता गाडीमध्ये विदेशी मदय साठा आढळून आला.

एक्साईज विभागाच्या भरारी पथकाने तत्काळ चालक रोहन केणे याला ताब्यात घेत चौकशी केली असता बनावट दारू टिटवाळा मांडा परिसरात बनवत असल्याचे सांगितले. त्यानुसार एकसाईजच्या पथकाने मांडा टिटवाळा परिसरातील जयेश केणे यांच्या घरी छापा टाकला असता त्याच्या घरात बनावट बुच, प्लास्टिक जार बनावट विदेशी मध्य विविध ब्रँडच्या रिकाम्या काचेच्या बाटल्या असं साहित्य आढळून आलं.

एक्साईजच्या पथकाने तत्काळ हे सगळं साहित्य जप्त केले. या दोघांनाही अटक केली असून हे दोघं कधीपासून हा धंदा करतात, ते कुणाला ही दारू विकतात याचा तपास एक्साईज विभागाचे पथक करत आहे. दरम्यान ही बनावट दारू शहरातील ढाब्यांवर जात असल्याचा दाट संशय एक्सेस विभागाला असून एक्साईज विभाग त्या दृष्टीने पुढील तपास करत आहे.