संजय गडदे, साम प्रतिनिधी

मतदारयाद्यांमधीळ घोळामुळे विरोधकांनी निवडणूक आयोगाच्या कारभारावर प्रश्न उपस्थित केलेत. दुबार नावे, कोणत्या पत्त्यावर कोणत्याच मतदारांची नावे असल्यानं काँग्रेस खासदार राहुल गांधींसह राज ठाकरेंनी निवडणूक आयोगावर टीका केली होती. एकीकडे मुंबईत दुबार मतदारांची संख्या ११ लाख असल्याचं स्पष्ट झालंय. त्याचवेळी मतदार यादीमध्ये आपल्या नावाने बोगस मतदार तयार केल्याचा आरोप मनसेच्या नेत्यांनी केला.

दुबार मतदार असल्याचा घोळ असतानाच आता नवा घोळ समोर आलाय. मतदार यादीत मनसे नेत्याचं नाव बंगाली भाषेत लिहिण्यात आलंय. तर त्यांच्या बहिणीचा धर्म बदलत त्यांचे नाव मुस्लीम धर्मानुसार लिहिलंय. मनसेच्या अंधेरी पश्चिम विधानसभा विभाग अध्यक्ष मनीष धुरी (Manish Dhuri MNS) यांच्या नावाचा घोळ समोर आलाय.

मनसेच्या अंधेरी पश्चिम विधानसभा विभाग अध्यक्ष मनीष धुरी (Manish Dhuri MNS) यांच्या नावाचा घोळ समोर आलाय. मनीष धुरी यांच्या फोटोसमोर बंगाली व्यक्तीचं नाव आहे. तर त्यांच्या बहिणीच्या फोटोसमोर एका मुस्लिम महिलेचं नाव लिहिण्यात आलंय. या घोळावरून मनसे नेत्यानं निवडणुक आयोगाला जाब विचारलाय. मतदार यादीमधील घोळ निस्तारला नाही तर मनसे स्टाईलने आंदोलन करणार असल्याचा इशारा मनीष धुरी यांनी दिलाय.

मनसेचे अंधेरी पश्चिम विधानसभाचे विभाग अध्यक्ष मनीष धुरी यांनी २००९ आणि २०२४ साली विधानसभा निवडणूक लढवली. सध्या या मतदारसंघात भाजपचे मुंबई अध्यक्ष अमीत साटम हे आमदार आहेत. अंधेरी पश्चिम मतदारसंघात वार्ड क्रमांक ६९ मध्ये यादी क्रमांक २७२ मध्ये हा घोळ झालाय. सध्या या मतदारसंघात भाजपचे मुंबई अध्यक्ष अमीत साटम हे आमदार आहेत. अंधेरी पश्चिम मतदारसंघात वार्ड क्रमांक ६९ मध्ये यादी क्रमांक २७२ मध्ये हा घोळ झालाय.

मनसेचे नेते मनीष धुरी यांच्या फोटोसमोर दास भुटो सुकुमार असं बंगालीमध्ये नाव लिहिण्यात आलंय. त्याचवेळी त्यांच्या बहिणीच्या फोटोसमोर शेख निशा यतिम असं नाव लिहिण्यात आलीय. या प्रकारामुळे मनसेचे नेते मनीष धुरी यांनी संताप व्यक्त केला असून त्यांनी आंदोलन करण्याचा इशारा दिलाय. या प्रकरणात मनसेने निवडणूक आयोगाकडे तक्रार केली आहे. या आधी राज ठाकरे यांनीही मतदार यादीमध्ये मोठा घोळ झाल्याचा आरोप केला आहे. त्यामुळे हा घोळ कसा करण्यात आला हे आताच्या प्रकरणावरुन समोर येतंय.