मुंबई : एकनाथ शिंदे गटाच्या बंडखोरीमुळे राज्यातील राजकीय घडामोडींना वेग आला आहे. एकनाथ शिंदे आणि महाविकास आघाडी सरकारने केलेल्या याचिकेवर सर्वोच्च न्यायालयात नुकतीच सुनावणी झाली. न्यायालयाने दोन्ही पक्षकारांना नोटिसा बजावल्या आहेत. तर पुढील सुनावणी ११ तारखेला होणार आहे. याचनंतर, बंडखोर नेते एकनाथ शिंदे (Eknath Shinde) यांनी ट्विट करत प्रतिक्रिया दिली आहे. सर्वोच्च न्यायालयातील सुनावणी झाल्यानंतर बाळासाहेब ठाकरे (Balasaheb Thackeray) यांच्या हिंदुत्वाचा विजय आणि धर्मवीर आंनद दिघे यांच्या विचारांचा विजय आहे, अशी प्रतिक्रिया दिली आहे. ( Eknath Shinde Latest News )

सर्वोच्च न्यायालयाने एकनाथ शिंदे आणि महाविकास आघाडी सरकारने केलेल्या याचिकेवर पुढील सुनावणी ११ जुलै २०२२ रोजी होणार असल्याचं सांगितलं आहे. त्यामुळे आता सत्ताधाऱ्यांसह बंडखोरांना निदान ११ जुलैपर्यंत कोणतीही कायदेशीर घडामोडी करणं शक्य नाही. शिवाय ११ जुलैपर्यंत बंडखोर आमदारांनाही अपात्रही ठरवता येणार नाही. ज्या आमदारांना अपात्रतेची नोटीस बजावण्यात आली, त्यांना उत्तर देण्यासाठी ११ जुलैच्या संध्याकाळपर्यंत वेळ सर्वोच्च न्यायालयाने दिला आहे. या सुनावणीनंतर बंडखोर नेते एकनाथ शिंदे यांनी ट्विट करत प्रतिक्रिया दिली आहे. शिंदे म्हणाले, 'हा वंदनीय हिंदुहृदयसम्राट शिवसेनाप्रमुख बाळासाहेब ठाकरे यांच्या हिंदुत्वाचा आणि धर्मवीर आनंद दिघे साहेबांच्या विचारांचा विजय'. शिंदे यांच्या नव्या ट्विटनंतर राजकीय वर्तुळात चर्चेत आले आहे.

दरम्यान, राज्याच्या राजकीय घडामोडीत विधानसभा उपाध्यक्ष नरहरी झिरवळ यांची भूमिका महत्वाची होती. मात्र,सर्वोच्च न्यायालयाने उपाध्यक्षांनी बंडखोरांना पाठवलेली नोटीस बेकायदेशीर असल्याचा युक्तिवाद शिंदे गटाच्या वकिलांनी केला. तसेच सर्वोच्च न्यायालयाने या प्रकरणाची पुढील सुनावणी ११ जुलै २०२२ रोजी ढकलली आहे. सर्वोच्च न्यायालयाच्या सुनावणीनंतर बंडखोर आमदारांना मोठा दिलासा मिळाला आहे.