Shrikant Shinde on Shiv Sena Bjp Alliance: ''काही नेते युतीत मिठाचा खडा टाकण्याचा प्रयत्न करत आहेत'', असं शिवसेना खासदार श्रीकांत शिंदे म्हणाले आहेत. काही शुल्लक कारणावरून शिवसेना आणि भाजप (Shiv Sena Bjp Alliance) युतीमध्ये मिठाचा खडा टाकण्याचं स्वार्थी राजकरण सुरु असल्याचं श्रीकांत शिंदे म्हणाले आहेत.

त्यांच्या या वक्तव्यानंतर युतीत खरच सर्व काही अलबेल की जागा वाटपावरून युतीतही रस्सीखेच सुरू आहे? असा प्रश्न आता उपस्थित झाला आहे. श्रीकांत शिंदे यांच्या या वक्तव्यानंतर शिवसेना -भाजप युतीमध्ये सर्व काही ठीक आहे ना? अशी चर्चा राजकीय वर्तुळात सुरु झाली आहे. एका व्हिडीओच्या (Viral Video) माध्यमातून ते असं म्हणाले आहेत.

काय म्हणाले श्रीकांत शिंदे?

श्रीकांत शिंदे (Shrikant Shinde) म्हणाले आहेत की, ''२०२४ साली नरेंद्र मोदी (Pm Narendra Modi) यांना पुन्हा या देशाच्या पंतप्रधानपदी विराजमान करण्याचा आमचा आणि देशातील तमाम जनतेचा निर्धार आहे. त्यासाठी आम्ही प्राणपणाने प्रयत्न करू. परंतु, काही शुल्लक कारणांसाठी शिवसेना - भाजप युतीमध्ये मिठाचा खडा टाकण्याचे स्वार्थी राजकारण डोंबिवलीतल्या काही नेत्यांकडून सुरू आहे.'' (Latest Marathi News)

ते म्हणाले, ''मला व्यक्तीशः कोणत्याही पदाची लालसा नाही. येत्या लोकसभेच्या निवडणूकीत कुणाला उमेदवारी द्यायची हा निर्णय शिवसेना - भाजप युतीचे वरिष्ठ नेते घेतील. मला उमेदवारी दिली नाही तरी जो कुणी उमेदवार असेल त्याचा एकदिलाने आम्ही प्रचार करू आणि त्याला विजयी करू.'' (Maharashtra Politics)

'तर मी माझ्या पदाचा राजिनामा देण्यास तयार'

''श्रीकांत शिंदे पुढे म्हणाले, ''केंद्रात पुन्हा भाजप- शिवसेना युती आणि मित्र पक्षाचे सरकार स्थापन करणे हेच आमचे ध्येय आहे. त्या दिशेने आम्ही करत असलेल्या कामांना जर कुणाचा विरोध असेल, कुणाला पोटदूखी होत असेल आणि युतीमध्ये जर विघ्न निर्माण होत असेल, तर मी माझ्या पदाचा राजिनामा देण्याची तयारी आहे.''