दिशा सालियन प्रकरणी मोठी अपडेट हाती आली आहे. दिशा सालियन मृत्यू प्रकरणी नव्याने चौकशी करण्याची मागणी तिच्या वडिलांनी याचिकेतून केली आहे. दिशा सालियनचा बलात्कार करून हत्या केल्याचा आरोप तिच्या वडिलांनी याचिकेतून केला आहे. या प्रकरणात दिशा सालियनच्या वडिलांनी कोर्टात धाव घेतली आहे. दिशा सालियनच्या वडिलांनी आरोप केल्यानंतर खळबळ उडाली आहे.

दिशा सालियनच्या वडिलांनी याचिकेत सूरज पांचोली, आदित्य ठाकरे आणि डिनो मोरिया यांच्यावरही आरोप केला आहे. तसेच या प्रकरणात माजी महापौर किशोरी पेडणेकर यांच्यावरही दबाव टाकल्याचा आरोप करण्यात आला आहे. याच आरोपांवर माजी महापौर किशोरी पेडणेकर यांनी पहिली प्रतिक्रिया दिली आहे.

दिशा सालियन यांच्या वडिलांनी याचिकेतून गंभीर आरोप केल्यानंतर खळबळ उडाली आहे. दिशा सालियनच्या वडिलांनी केलेल्या आरोपांवर किशोरी पेडणेकर यांनी पहिली प्रतिक्रिया दिली आहे. किशोरी पेडणेकर म्हणाल्या,'दिशा सालियनच्या वडिलांनी काही आरोप करो. हत्या प्रकरणानंतर त्यांच्या घरी गेली होती. मी उघड उघड घरी गेली होती. त्यावेळी माध्यमे देखील होती. तिच्या पालकांसोबत उघड उघड चर्चा केली. त्यांची बायको वेगवेगळ्या चटण्या बनवते. यावरून त्यांच्यासोबत चर्चा केली.

'आमचा दुरान्वये संबंध नाही. आता महानगरपालिका निवडणुका येत आहेत. एक आरोप केला. तो मागे पडला. त्यानंतर आता दुसरा. तिचे वडील आले होते. हे उघड उघड आहे. दिशा सालियनचे वडील महापौर बंगल्यावर येऊन मला विनंती केली होती. मला वाटतं, त्यांनी लेखी दिलं होतं. त्यांचे अनेकदा फोन आले होते, अशा त्या पुढे म्हणाल्या.