महापालिका निवडणुकीच्या प्रचारात मुख्यमंत्री देवेंद्र फडणवीस आणि उपमुख्यमंत्री अजित पवार यांच्यात चांगलीच जुंपलीय... गेल्या तीन दिवसांपासून दोन्ही पक्षांमध्ये आरोप- प्रत्यारोपाच्या फैरी झडतायत... अशातच अजित पवारांनी भाजपवर पुणे महापालिकेतील कोट्यवधी रुपयांच्या ठेवी मोडल्याचा आरोप केल्यानंतर मुख्यमंत्री देवेंद्र फडणवीसांनीही दादांवर जोरदार हल्लाबोल केलाय...

पुणे आणि पिंपरी चिंचवडमध्ये दोन्ही राष्ट्रवादी एकत्र आल्यानं महायुतीत आधीच वादाची ठिणगी पडली होती... अशातच अजित पवारांची राष्ट्रवादी आणि भाजपमध्ये किती जागांवर थेट लढत होणार आहे? पाहूयात...

पुणे महापालिका

राष्ट्रवादी काँग्रेस (AP)

विरुद्ध

भाजप

105

पिंपरी-चिंचवड महापालिका

राष्ट्रवादी काँग्रेस (AP)

विरुद्ध

भाजप

110

दरम्यान 2017 ला झालेल्या महापालिका निवडणुकीत पुणे आणि पिंपरी चिंचवडमध्ये पक्षीय बलाबल कसं होतं ते ही पाहूयात...

पुणे महापालिकेत भाजपचे 97, संयुक्त राष्ट्रवादीचे 39, संयुक्त शिवसेनेचे 10, काँग्रेसचे 9, तर मनसेचे 2 नगरसेवक निवडून आले होते... तर पिंपरी चिंचवड महापालिकेत भाजपचे 77, संयुक्त राष्ट्रवादीचे 36, संयुक्त शिवसेनेचे 9 तर मनसेचा 1 नगरसेवक निवडून आला होता.

पुणे आणि पिंपरी चिंचवड महापालिकेत याआधी भाजपचं वर्चस्व राहिलयं... त्यामुळे या दोन्ही महापालिका भाजप आपल्या ताब्यात ठेवण्यासाठी शर्थीचे प्रयत्न करतेय... अशातच महायुतीतील मित्रपक्षाच्या दोन मोठ्या नेत्यांनी एकमेंकांविरोधात शड्डू ठोकल्यानं महापालिका निवडणुकीत चांगलीच चुरस निर्माण झाली आहे...मात्र हा वाद महापालिका निवडणुकीपर्यंतच मर्यादीत राहणार की याचे महायुतीतल्या संबंधांवरही परिणाम होणार याबाबत उत्सुकता आहे.