मुंबई : महायुती सरकारचा अखेर आज गुरुवारी ५ डिसेंबर रोजी शपथविधी झाला. देवेंद्र फडणवीस यांनी मुख्यमंत्रिपदी शपथ घेतली. देवेंद्र फडणवीस यांनी पंतप्रधान नरेंद्र मोदी यांच्या उपस्थितीत मुख्यमंत्रिपदाची शपथ घेतली. मुख्यमंत्रिपदाची शपथ घेतल्यानंतर तातडीने मंत्रालयात जाऊन कार्यभार स्वीकारला. मुख्यमंत्रिपदाची शपथ घेताच देवेंद्र फडणवीस अॅक्शन मोडमध्ये असल्याचे दिसत आहे. मंत्रिमंडळाच्या बैठकीपूर्वी देवेंद्र फडणवीस यांनी पहिलाच महत्वाचा निर्णय घेतला. देवेंद्र फडणवीस यांनी मुख्यमंत्री सहाय्यता निधीच्या फाईलवर सही केली.

देवेंद्र फडणवीस यांनी आझाद मैदानावर हजारो लोकांच्या उपस्थितीत मुख्यमंत्रिपदाची शपथ घेतली. या शपथविधीनंतर मुख्यमंत्री एकनाथ शिंदे यांनी मंत्रालयात जाऊन मुख्यमंत्रिपदाचा कार्यभार स्वीकारला. देवेंद्र फडणवीस यांनी कार्यभार स्वीकारल्यानंतर पहिली स्वाक्षरी वैद्यकीय मदतीच्या फाईलवर केली. या फाईलवर सही करत पुण्याच्या रुग्णाला पाच लाखांची मदत सुपूर्द झाली.

मुख्यमंत्रिपदाची शपथ घेतल्यानंतर मुख्यमंत्री देवेंद्र फडणवीस यांच्या अध्यक्षतेखाली झालेल्या पहिल्याच मंत्रिमंडळ बैठकीपूर्वी मुख्यमंत्र्यांनी पहिली स्वाक्षरी मुख्यमंत्री सहाय्यता निधीच्या फाईलवर केली. पुण्यातील रुग्ण चंद्रकांत शंकर कुऱ्हाडे यांना पाच लाखाची मदत मुख्यमंत्री वैद्यकीय सहायता निधीतून देण्याचे निर्देश त्यांनी फाईलवर दिले आहेत. पुण्यात राहणारे चंद्रकांत कुऱ्हाडे यांच्या पत्नीने बोन मॅरो ट्रान्सप्लांट उपचारासाठी मुख्यमंत्री सहाय्यता निधीतून अर्थसहाय्य देण्याची विनंती केली होती.

दरम्यान, राज्याचे नवे मुख्यमंत्री देवेंद्र फडणवीस यांनी मंत्रिमंडळाच्या बैठकीत प्रशासनाला सूचना केल्या आहेत. तसेच यावेळी अधिक गतीने आणि जोमाने काम करण्यास सांगितले. जनतेच्या अपेक्षांची पूर्ती करण्यासाठी अधिक वेगाने काम करावे लागेल असे अधिकाऱ्यांना सांगितले. आता गती वाढवू आणि अधिक खोलवर जाऊन चांगले निर्णय घेऊन शाश्वत विकास कसा साध्य करता येईल, त्या दृष्टिकोनातून प्रयत्न करूयात, असे देवेंद्र फडणवीस पुढे म्हणाले.