Deep Clean Campaign In Kalyan Dombivli

मुख्यमंत्री एकनाथ शिंदे यांच्या संकल्पनेतून राज्यभरात डीप क्लीन ड्राइव्ह सुरू झालंय. महापालिका स्वच्छता करतेच, मात्र या मोहिमेमुळं स्वच्छतेच्या कामाला वेग आलाय, असं खासदार श्रीकांत शिंदे यांनी सांगितलं. (latest news)

मुख्यमंत्री एकनाथ शिंदे यांच्या संकल्पनेतील डीप क्लिनिंग मोहिमेचा शुभारंभ कल्याण डोंबिवली महानगरपालिका क्षेत्रात करण्यात आला. यावेळी सार्वजनिक बांधकाम मंत्री रवींद्र चव्हाण, खासदार श्रीकांत शिंदे, आमदार गणपत गायकवाड महापालिका आयुक्त इंदू राणी जाखड उपस्थित (Mumbai) होते.

सर्वांनी एकत्र येऊन काम करावं

शहरातील हवा स्वच्छ ठेवण्यासाठी धूलिकण कमी करणे. संपूर्ण शहरातील मुख्य आणि अंतर्गत रस्ते सखोल पद्धतीने स्वच्छ करून धुवून घेणे, या उद्देशानं ही मोहिम सुरू करण्यात आली आहे. या मोहिमेसाठी पावर स्वीपिंग मशीनसह अत्याधुनिक यंत्रणा, कर्मचारी, अधिकारी सज्ज करण्यात आले होते.

यावेळी ही मोहिम राबविल्यामुळं आमदार गणपत गायकवाड यांनी मुख्यमंत्री एकनाथ शिंदे (cm eknath shinde) यांचे आभार मानले. यावेळी बोलताना आमदार गणपत गायकवाड यांनी महापालिका क्षेत्रात मुख्य रस्त्यांची साफसफाई केली जाते. मात्र, अंतर्गत रस्त्यांची स्वच्छता केली जात नाही. कल्याण पूर्व येथील स्वच्छतेची अवस्था अत्यंत बिकट आहे, अशी खंत त्यांनी व्यक्त केली. स्वच्छतेसाठी सर्वांनी एकत्र येऊन काम केलं पाहिजे, असं आवाहन (Deep Clean Campaign) केलंय.

प्रत्यक्षात काम करावं

डीप क्लीन मोहिम सातत्यानं राबवली पाहिजे, अशी सूचना केली. अधिकाऱ्यांनी केबिनमध्ये न बसता प्रत्यक्षात रस्त्यावर उतरून काम करावं, असा सल्ला सार्वजनिक बांधकाम मंत्री रवींद्र चव्हाण यांनी केडीएमसी अधिकाऱ्यांना दिलाय.

नरेंद्र मोदी पंतप्रधान (pm modi) झाल्यानंतर लोकांपर्यंत स्वच्छतेबाबत जनजागृती करण्यात आली. घनकचरा विभागातील कामगारांचं नियोजन महापालिकेने करावं. मुख्यमंत्री एकनाथ शिंदे यांनी कल्याण डोंबिवली महापालिकेला विशेष नागरिकांनी देखील स्वच्छतेबाबत सहकार्य करावं, असं आवाहन त्यांनी केलंय.