मुंबई - मोठ्या प्रमाणात झोपडपट्टीच्या गजबजलेल्या परिसरात, वैद्यकीय क्षेत्रातील कोणत्याही शाखेची पदवी नसलेल्या किंवा कोणत्याही प्रकारचे वैद्यकीय शिक्षण नसताना जनतेच्या अज्ञानाचा फायदा घेऊन बोगस डॉक्टर म्हणून वैद्यकीय व्यवसाय करणाऱ्या तसेच रुग्णांकडून फी म्हणून मोठ्या प्रमाणात पैसे लुबाडणाऱ्यांना अवैध डॉक्टरांवर मुंबई पोलिसांच्या गुन्हे शाखेने मोठी कारवाई केली आहे.

शिवाजीनगर, गोवंडी परिसरात डॉक्टरांचा बोगस व्यवसाय करणाऱ्या इसमांची माहिती गुन्हे कक्ष सहाला सूत्रांनी दिली होती. त्यांच्यावर कारवाई करण्याकरीता महानगरपालिका अधिकारी आणि डॉक्टर यांची मदत घेण्यात आली. त्यांच्या मदतीने गुन्हे शाखा कक्ष ६ च्या पथकाने शिवाजीनगर, गोवंडी परिसरातील एकाच वेळी ५ वेगवेगळ्या ठिकाणी छापा टाकला असता त्यावेळी बोगस डॉक्टर रुग्णांची तपासणी करून त्यांना औषधोपचार करताना त्यांना आढळले.

हे देखील पहा -

या बोगस डॉक्टरांकडे कोणताही अधिकृत वैद्यकिय परवाना नसताना तसेच महाराष्ट्र मेडीकल कौन्सिल मध्ये नोंदणी नसताना डॉक्टर असल्याचे भासवुन बेकायदेशिररित्या विविध आजारावरील रुग्णांना औषधे आणि इंजेक्शन देत औषोधोपचार करताना सापडून आले.

त्यांच्या ताब्यातुन स्टेथेस्कोप वेगवेगळ्या प्रकारचे इंजेक्शन, औषधे व इतर साहित्य जप्त करण्यात आलेले आहे. क्षमा क्लिीनीक, आलीशा क्लिनिक, आसिफा क्लिीनीक, रेहमत क्लिनिक, मिश्रा क्लिीनीक अशी या क्लिनिकची नावे आहेत. हे सर्व क्लिनिक बैंगण वाडी परिसरातील आहेत. या सर्व डॉक्टरांवर कलम 419, 420 सह महाराष्ट्र मेडिकल प्रॅक्टिशीयन ऍक्ट 33, 36 अंतर्गत शिवाजी नगर पोलीस ठाण्यात गुन्हा नोंदविण्यात आला आहे.

Edited By - Shivani Tichkule