सुशांत सावंत

मुंबई: काँग्रेसमुळे कोरोना वाढला.., पंतप्रधान नरेंद्र मोदी यांच्या वक्तव्यानंतर राज्यभर काँग्रेसनं आंदोलनं करण्यास सुरुवात केली. आज सोमवारी भाजपचे विरोधीपक्ष नेते देवेंद्र फडणवीस यांच्या मुंबईतील मलबार हिल परिसरातील सागर बंगल्याबाहेर काँग्रेस आंदोलन करणार आहे. मात्र, यामुळे सामान्य मुंबईकरांना याचा नाहक त्रास सहन करावा लागत आहे (Congress protest against bjp in front of Devendra Fadnavis House In Mumbai people are suffering from traffic jam).

देवेंद्र फडणवीस (Devendra Fadnavis) यांच्या सागर बंगल्यावर आंदोलन करण्याचा इशारा दिल्यानंतर आता भाजप (BJP) विरुध्द काँग्रेस (Congress) वाद चिघळला आहे. दोन्ही पक्षाचे कार्यकर्ते रस्त्यावर उतरले आहेत. त्यामुळे सामान्य मुंबईकरांना वाहतूक कोंडीचा (Traffic Jam) सामना करावा लागत आहे. भाजप-काँग्रेसचे कार्यकर्ते रस्त्यावर उतरल्याने पेडररोड, नेपेन्सी रोड, हाजीहली परिसरात मोठी वाहतूक कोंडी झाली आहे.

पोलिसांकडून चोख बंदोबस्त करण्यात आला आहे. फडणवीसांच्या बंगल्याकडे जाणारे दोन्ही रस्ते बंद करण्यात आले आहेत. तसेच, पोलिसांचाही मोठा फौजफाटाही तैनात आहे.

Edited By - Nupur Uppal