संजय गडदे

Nana Patole News: पंतप्रधान नरेंद्र मोदी यांनी आज लाल किल्ल्यावरून भाषण केलं. पंतप्रधान नरेंद्र मोदी यांच्या भाषणावर काँग्रेस प्रदेशाध्यक्ष नाना पटोले यांनी टीकास्त्र सोडंल. 'नरेंद्र मोदी यांचं लाल किल्ल्यावरून भाषण ते प्रंतप्रधान म्हणून नाही तर आरएसएसचे प्रचारक म्हणून भाषण केला, असा आरोप काँग्रेस प्रदेशाध्यक्ष नाना पटोले यांनी केला आहे. (Latest Marathi News)

उत्तर पश्चिम जिल्हा काँग्रेसच्या वतीने काढण्यात आलेल्या तिरंगा गौरव यात्रेच्या समारोप प्रसंगी कार्यकर्त्यांना संबोधित करताना नाना पटोले बोलत होते. स्वातंत्र्य दिनानिमित्त काँग्रेसचे माजी खासदार संजय निरुपम आणि उत्तर पश्चिम मुंबई जिल्हाच्या वतीने भव्य तिरंगा गौरव यात्रेचे आयोजन करण्यात आले. मोठ्या संख्येने कार्यकर्ता व पदाधिकारी या यात्रेत सामील झाले होते.

या यात्रेत गोरेगाव पश्चिम अण्णाभाऊ साठे मैदान येथून सुरू होऊन अंधेरी पश्चिमेकडील कर्मवीर दादासाहेब गायकवाड सांस्कृतिक भवन डॉक्टर बाबासाहेब आंबेडकर यांच्या पुतळ्याजवळ समाप्त झाली. या यात्रेत काँग्रेसचे प्रदेशाध्यक्ष नाना पटोले आणि मुंबई अध्यक्ष वर्षा गायकवाड देखील सामील झाल्या होत्या.

दरम्यान, कार्यकर्त्यांना संबोधित करताना नाना पटोले यांनी कार्यकर्त्यांना निवडणुकीच्या तयारीला लागण्याचे आदेश देखील दिले. नाना पटोले म्हणाले, 'भारताला हुकूमशाहीपासून वाचवायचा असेल, तर 15 ऑगस्ट 2024 ला लाल किल्ल्यावर इंडिया आघाडीच्या माध्यमातून स्वतंत्र दिन साजरा झाला पाहिजे'.

तसंच आज लाल किल्ल्यावर पंतप्रधान नरेंद्र मोदी यांचे जे भाषण झाले, ते देशाचे पंतप्रधान म्हणून नाही तर आरएसएसचे प्रचारक म्हणून त्यांनी भाषण केल्याचा आरोप देखील नाना पटोले यांनी केला आहे.