पुण्यात चाललंय तरी काय? असा प्रश्न आता प्रत्येकाला पडला आहे. स्वारगेट बलात्कार प्रकरण, खेडमध्ये जमांवाकडून मारहाण आणि आता गाडा लावण्यावरून मारहाणीचा प्रकार समोर आला आह एका कोल्ड्रिंकच्या मालकाला गाडा लावण्यावरून टोळक्यांनी मारहाण केली आहे. ही धक्कादायक घटना पुण्यातील मोमिनपुरा येथे घडली आहे. या मारहाणीचा व्हिडिओ सोशल मीडियात व्हायरल झाला आहे.

पुण्यातील मोमिनपुरा भागात एका कोल्ड्रिंग विक्रेत्याला टोळक्यांनी बेदम मारहाण केली आहे. कोल्ड्रिंगचा गाडा लावण्यावरून हा वाद झाल्याची माहिती समोर आली आहे. मोमिनपुरा येथे एक व्यक्ती कोल्ड्रिंग विक्रेता आहे. त्या कोल्ड्रिंग विक्रेत्याला काही टोळक्यांनी मिळून मारहाण केली आहे.

कोल्ड्रिंग विक्रेत्याला मारहाण केल्यानंतर टोळक्यांनी त्याचा गाड्याचे देखील नुकसान केले आहे. या मारहाणीची घटना समोर आल्यानंतर पोलिसांनी त्या ठिकाणी धाव घेतली आणि प्रकरणाचा तपास केला. या मारहाणीचा व्हिडिओ देखील सोशल मीडियात व्हायरल झाला आहे.

पोलिसांनी तपासाला सुरूवात केली आहे. ही मारहाण कशामुळे करण्यात आली. यामागचं नेमकं कारण काय? याचा तपास पोलीस करीत आहेत. मारहाणीत जखमी झालेले कोल्ड्रिंग विक्रेत्यावर रूग्णालयात उपचार सुरू आहेत.