मुंबई : राज्याचे मुख्यमंत्री एकनाथ शिंदे (CM Eknath Shinde) यांनी राष्ट्रवादीचे अध्यक्ष शरद पवार (Sharad Pawar) यांची ब्रीच कँडी रुग्णालयात भेट घेतली आहे. शरद पवार यांच्यावर रुग्णालयात सध्या उपचार सुरु आहे. त्यांच्या तब्येतीची विचारपूस करण्यासाठी मुख्यमंत्री एकनाथ शिंदे रुग्णालयात आले होते.

भेटीनंतर एकनाथ शिंदे यांनी म्हटलं की, शरद पवारांच्या प्रकृतीची मी विचारपूस केली. त्यांची तब्येत चांगली आहे, निमोनिया देखील रिकव्हर झाला आहे. माझ्याशी खूप चांगलं बोलले.

उद्या शरद पवार राष्ट्रवादीच्या शिबिराला जाणार आहेत. त्या शिबिरमध्ये जाऊन पुन्हा ते रुग्णालयामध्ये दाखल होणार असल्याची माहिती शरद पवार यांनी मुख्यमंत्र्यांना दिली आहे. त्यांची प्रकृती चांगली आहे त्यांना उत्तम आरोग्य लाभावे यासाठी त्यांना शुभेच्छा दिल्या, असंही मुख्यमंत्र्यांनी म्हटलं. (Latest Marathi News)

शरद पवार यांच्यावर गेल्या दोन दिवसांपासून ब्रीच कँडी रुग्णालयात उपचार सुरु आहेत. काल त्यांना डिस्चार्ज मिळणार होता. मात्र डॉक्टरांच्या सल्ल्यानुसार त्यांना रुग्णालयात थांबावं लागलं आहे. राष्ट्रवादीच्या शिबीरलाही ते उपस्थित राहू शकले नाहीत. मात्र त्यांनी ऑनलाईन पद्धतीने आपली उपस्थिती दर्शवली.