खड्ड्यांच्या मुद्यावरून मुख्यमंत्री एकनाथ शिंदे यांनी सरकारी अधिकाऱ्यांना तंबी दिली आहे. रस्ते दुरूस्तीच्या कामात जर कुठल्या शासकीय यंत्रणांनी अडथळा आणला किंवा कामचुकारपणा केला, तर त्याच्यावर एफआयआर दाखल करा, असं मुख्यमंत्री शिंदे म्हणाले आहेत. तसेच त्यांनी अधिकाऱ्यांना तातडीने काम सुरू करा, कारणं सांगून टोलवाटोलवी करू नका, असंही म्हटलं आहे.

आज राज्यभरातील रस्त्यांवरील खड्ड्यांच्या मुद्यावरून मुख्यमंत्री एकनाथ शिंदे यांनी संबंधित अधिकाऱ्यांची बैठक बोलावली होती. याच बैठकीत मुख्यमंत्री शिंदे अधिकाऱ्यांना खडेबोल सुनावले आहेत.

मुख्यमंत्री एकनाथ शिंदे यांनी रॅपिड क्वीक सेटिंग हार्डवर विथ एम ६० या पद्धतीचा वापर करून कामं करण्याचे निर्देश देखील अधिकाऱ्यांना दिले आहेत. स्थानिक जिल्हाधिकारी, एसपी यांनी कामात कोणताही अडथळा येणार नाही. वाहनांची प्रवाशांची गैरसोय होणार नाही, याची खबरदारी घ्या, असं शिंदे म्हणाले आहेत.

दरम्यान, मुख्यमंत्री एकनाथ शिंदे स्वतः हे उद्या भिवंडी - नाशिक रस्त्याची पाहणी करण्यासाठी जाणार असल्याची माहिती मिळत आहे. मुंबई अहमदाबाद हायवेमार्गे येणाऱ्या अवजड वाहनांना थांबविण्यासाठी पार्किंग लॉट तयार करण्याचे निर्देशही यावेळी मुख्यमंत्री शिंदे यांनी अधिकाऱ्यांना दिले.

या बैठकीत मुख्यमंत्री एकनाथ शिंदे यांनी मुंबई अहमदाबाद महामार्गावर येणाऱ्या अवजड वाहनांना थांबवण्यासाठी पार्किंग लॉट तयार करण्याचे आदेश दिले आहेत. अवजड वाहनांमुळे वाहतूक समस्या तसेच रस्त्यांच्या समस्यांमध्ये तक्रारी वाढत असल्याने मुख्यमंत्री यावेळी म्हणाले.