रुपाली बडवे

Mumbai News :

जालन्यातील आंतरवाली सराटी येथे मनोज जरांगे पाटील मागील १६ दिवसांपासून उपोषण करत आहे. मराठा समाजाच्या आरक्षणांसाठी त्यांच हे आंदोलन सुरु आहे.

मनोज जरांगे पाटील यांनी सरकारच्या विनंतीनंतर उपोषण मागे घेण्याचा निर्णय घेतला. मात्र उपोषण सोडण्यासाठी त्यांना काही अटी सरकारसमोर ठेवल्या आहेत.

राज्याचे मुख्यमंत्री एकनाथ शिंदे आणि उपमुख्यमंत्री अजित पवार, देवेंद्र फडणवीस यांना उपोषणस्थळी यावं अशीही अट त्यांनी घातली होती. यानुसार मुख्यमंत्री एकनाथ शिंदे आणि उपमुख्यमंत्री अजित पवार आज मनोज जरांगे पाटली यांचे उपोषण सोडण्यासाठी संध्याकाळी ५ वाजता जाणार आहेत. (Latest Marathi News)

मराठ्यांना कुणबी दाखला मिळणं अशक्य?

मराठा समाजाच्या मागणीला मोठा धक्का बसण्याची शक्यता आहे. अभिलेख नोंदीतून ही माहिती समोर आली आहे. मराठ्यांना आरक्षण मिळावं, तसेच त्यांना कुणबी प्रमाणपत्र देण्यात यावं, यासाठी जालन्यातील अंतरवाली सराटी गावात मनोज जरांगे पाटील यांचं उपोषण सुरू आहे.

मुख्यमंत्र्यांच्या आदेशानंतर मराठवाड्यातील १९६७ पर्यंतच्या ३४ लाख अभिलेखांचा अभ्यास करण्यात आला. यापैकी केवळ ४१६० अभिलेखांवर कुणबी नोंद (Kunbi Certificate) आढळली आहे. याचा अर्थ असा की, निजामकालीन वंशावळीच्या आधारे सरसकट मराठा समाजाला आरक्षणाचा लाभ होणार नाही.