सुशांत सावंत -

मुंबई : भाजप नेते प्रवीण दरेकर Pravin Darekar यांनी आज पत्रकारांशी बोलताना ST कर्मचाऱ्यांवरती दडपशाही न करता चर्चेतून प्रश्न सोडवायला हवे असा सरकारला सल्ला दिला. तसेच जर पडळकर आणि खोत पळून जात आहेत असे जर वाटत असेल तर आम्ही पुन्हा बसु का आंदोलनात? आम्ही परत आंदोलनाला बसलो तर तुम्हाला कळेल गोपिचंद पडळकर आणि सदाभाऊ खोत (Gopichand Padalkar and Sadabhau Khot) पळून गेले की काय? चर्चतून हा प्रश्न सुटेल उगाच हिंसक वळण लावू देऊ नका असा इशारा त्यांनी यावेळी राज्यसरकारला दिला.

हे देखील पहा -

मलिकांवरती 1 हजार कोटींचा दावा -

दरम्यान अल्पसंख्यांकमंत्री तथा राष्ट्रवादीचे जेष्ठ नेते नवाब मलिक यांनी आपल्यावरती मुंबै बँक प्रकरणी जे आरोप केले होते त्याप्रकरणी त्यांच्यावरती आपण 1 हजार कोटींचा दावा ठोकला असल्याची माहिती देखील त्यांनी यावेळी दिली. याबाबतची प्रोसेस कोर्टात सुरू असल्याचे दरेकर यांनी सांगितले. दरम्यान या प्रकरणी नवाब मलिक यांना 6 आठवड्यात आपली बाजू मांडायची आहे.

Edited By - Jagdish Patil