Palghar News : चांगला रस्ता मिळावा यासाठी स्थानिक नागरिकांनी आज (मंगळवार) पालघर मनोर राज्य मार्गावर मासवण येथे रास्ता रोकाे आंदाेलन केले. प्रशासनाने रस्त्याबाबत सकारात्मक दर्शविल्यानंतर नागरिकांनी रास्ता राेकाे आंदाेलन मागे घेतले. तब्बल दोन तास झालेल्या रास्ता राेकाे आंदाेलनामुळे वाहनधारकांची मात्र माेठी गैरसाेय झाली. (Maharashtra News)

पालघर मधील मासवन - काटाळे- नागझरी या रस्त्याची दयनीय अवस्था झाली असून या रस्त्याच्या दुरावस्थेमुळे येथील रुग्ण , विद्यार्थ्यांसह नागरिकांना मोठा त्रास सहन करावा लागतोय. पाच वर्षांपूर्वी पाच कोटी रुपये निधी खर्च करून तयार केलेल्या रस्त्याची सध्या चाळण झाली असून या विरोधात आक्रमक झालेल्या स्थानिक नागरिकांनी पालघर मनोर या राज्य मार्गावर मासवण येथे तब्बल दोन तास रास्ता रोको केला.

या रास्ता रोकोत विद्यार्थ्यांनीही सहभाग घेतला. रास्ता रोकोमुळे पालघर मनोर मार्गावरील वाहतुक तब्बल दोन तास ठप्प झाली होती. या आंदोलनामुळे पालघर मनोर या राज्यमार्गावर चार पेक्षाही अधिक किलोमीटरच्या वाहनांच्या लांबच लांब रांगा लागल्या.

प्रशासनाच्या लेखी आश्वासनानंतर हा रास्ता रोको मागे घेण्यात आला मात्र दिलेल्या वेळेत हे काम पूर्ण न केल्यास पुन्हा तीव्र आंदोलन छेडणार असल्याचा इशारा आंदोलनकर्त्यां स्थानिक नागरिकांकडून देण्यात आला.

Edited By : Siddharth Latkar