रुपाली बडवे

Central Railway Mega Block : मध्य रेल्वेवर प्रवास करणाऱ्या चाकारमान्यांसाठी महत्वाची बातमी आहे. शुक्रवारी कर्जत यार्ड सुधारणेसाठी विशेष ट्रॅफिक आणि पॉवर ब्लॉक घेण्यात येणार आहे. त्यामुळे शुक्रवारी सकाळी १०.४५ ते दुपारी १२.०० वाजेपर्यंत घाट विभागातील तिन्ही मार्गांवर कर्जतपर्यंत ब्लॉक घेण्यात येणार आहे. त्यामुळे उपनगरीय लोकलवर परिणाम होणार आहे. (Latest Marathi News)

मध्य रेल्वेवरील (Central Railway) मुंबई विभागातील कर्जत यार्ड बदलासंदर्भात कर्जत स्थानकावर ४ क्रमांकाचे पोर्टल उभारण्यासाठी विशेष वाहतूक आणि पॉवर ब्लॉक घेण्यात येणार आहे. शुक्रवारी सकाळी १०.४५ ते दुपारी १२.०० वाजेपर्यंत घाट विभागातील तिन्ही मार्गांवर कर्जतपर्यंत ब्लॉक घेण्यात येणर आहे. या पायाभूत सुविधांच्या ब्लॉकमुळे होणाऱ्या गैरसोयीबद्दल प्रवाशांनी रेल्वे प्रशासनाकडे लक्ष देण्याची विनंती करण्यात आली आहे.

तपशील खालीलप्रमाणे

कधी : १६/१२/२०२२

केव्हा : सकाळी १०.४५ ते १२.०० वाजेपर्यंत

कुठे : घाट विभागातील तिन्ही मार्गांवर कर्जतपर्यंत ब्लॉक

उपनगरीय गाड्यांची धावण्याची पद्धत

कर्जतहून सकाळी १०.४५ वाजता सुटणारी SKP-5 खोपोली लोकल आणि 11.20 वाजता खोपोलीहून सुटणारी SKP 10 कर्जत लोकल रद्द करण्यात आली आहे.

ट्रेन क्रमांक 22731 हैदराबाद-मुंबई सुपरफास्ट एक्स्प्रेस आणि ट्रेन क्रमांक 11014 कोईम्बतूर-एलटीटी एक्स्प्रेस लोणावळा येथे नियमित केली जाईल आणि निर्धारित वेळेच्या 20-65 मिनिटे उशिरा पोहोचेल.