पुणे: बारामती औद्योगिक वसाहतीतील एका कंपनीसह तालुक्यातील काटेवाडी येथे आज सकाळ पासून केंद्रीय तपास यंत्रणेकडून छापेमारी सुरु आहे. आयकर विभागाकडून संबंधीत छापेमारी सुरु असल्याचे सांगितले जात आहे. सकाळपासूनच सुरु झालेल्या या कारवाईमूळे मोठी खळबळ उडाली आहे. नगर जिल्ह्यातील एका खासगी कारखान्याची जबाबदारी सांभाळणाऱ्या निकटवर्तीयाची आयकर विभागाच्या पथकाकडून चौकशी केली जात आहे. काटेवाडीत हा निकटवर्तीय राहतो. दुसरीकडे बारामती MIDC मधील एका आंतरराष्ट्रीय कंपनीत एक पथक पोहोचले आहे. त्यांच्याकडून कंपनीत तपासणी केली जात आहे.

आयकर विभाग यापैकी एका विभागाकडून ही चौकशी सुरु आहे. भाजपचे (BJP) माजी खासदार किरीट सोमय्या (Kirit Somaiya) यांच्या कालच्या बारामती दौऱ्या नंतर दुसऱ्याच दिवशी ही छापेमारी सुरु झाल्याने विविध चर्चांना उधाण आले आहे.

या ठिकाणी सुरू आहे ही कारवाई

- अंबालिका शुगर कर्जत

- दौंड शुगर दौंड

- जरंडेश्वर साखर कारखाना सातारा

- पुष्प दंतेश्वर साखर कारखाना नंदुरबार

- जगदीश कदम अंबालिका

- वीरधवल जगदाळे, दौड शुगर

Edited By: Pravin Dhamale