मावळ - मोठ्या प्रतीक्षेनंतर बैलगाडा शर्यतीला सुरुवात झाली. सुप्रीम कोर्टने दिलेल्या निर्णयानंतर आज अखेर मावळात (Maval) बैलगाडा शर्यतींना (Bullock Cart Race) सुरुवात झाली. बैलगाडा शर्यतीची पहिली बारी आज मावळात झाली. सकाळपासूनच बैलगाडा प्रेमी आणि मालक मोठ्या संख्येने नानोली येथे दाखल झाले आणि नऊ वाजण्याच्या सुमारास घाटावरून शर्यतींना सुरुवात झाली आणि मावळमध्ये अखेर भिर्रर्रर्रर्र झालं.

गेले आठ वर्ष शर्यत बंद असल्याने बैलगाडा प्रेमींचा उत्साह अधिक होता.त्यामुळे बैलगाडा मालकांचा आनंद गगनात मावेनासा झाला.मात्र या नानोलीच्या बैलगाडा घाटावर बैलगाडा शौकिनांनी एकच गर्दी केली. दरम्यान आज आणि उद्या अशी दोन दिवस शर्यत असणार आहे त्यामुळे बैलगाडा शौकीन यांना उद्याही शर्यत बघण्याची मेजवानी मिळणार आहे. या बैलगाडा शर्यतीचे आयोजन मावळचे आमदार सुनील शेळके यांनी केले आहे याच ठिकाणाहून आढावा घेतला आहे.