Palghar hospital car crash : पालघरमधील बोईसर येथे डॉक्टरच्या गाडीखाली चिरडून वृद्ध महिलेचा मृत्यू झाला. तर त्यांचा पती गंभीर जखमी झाला आहे. आज सकाळी बोईसरच्या बीएआरसी (तारापूर अनुविद्युत केंद्र रहिवासी संकुल) मध्ये हा भीषण अपघात झाला. डॉक्टर ए .के. दास याचं गाडीवरून नियंत्रण सुटल्याने रुग्णालयातून बाहेर येणाऱ्या वृद्ध दांपत्याला 15 ते 20 फूट फरफटात नेल्याची माहिती मिळाली. वैद्यकीय तपासणीसाठी रुग्णालयात आलेल्या दाम्पत्याला चिरडलं . अपघातात वृद्ध महिला छायालता विश्वनाथ आरेकर (73) यांचा जागीच मृत्यू झाला. तर पती गंभीर जखमी झाला आहे. डॉक्टरला बोईसर पोलिसांनी अटक केले आहे.

मिळालेल्या माहितीनुसार, वैद्यकीय तपासणीसाठी वृद्ध दांपत्य रुग्णालयात आले होते. उपचार घेतल्यानंतर रुग्णालयाबाहेर पडत असताना डॉ. ए.के. दास यांच्या गाडीने जोरदार धडक दिली. दास यांचे गाडीवरून नियंत्रण सुटले. यामुळे गाडीने दांपत्याला धडक दिली आणि त्यांना 15 ते 20 फूट फरफटत नेले. या भीषण अपघातात छायालता विश्वनाथ आरेकर (वय 73) यांचा जागीच मृत्यू झाला. त्यांचे पती गंभीर जखमी झाले. जखमी पतीवर सध्या रुग्णालयात उपचार सुरू आहेत.

या अपघाताच्या घटनेनंतर स्थानिक नागरिकांमध्ये संतापाची लाट उसळली आहे. बोईसर पोलिसांनी डॉ. ए.के. दास यांना ताब्यात घेतले असून, पुढील तपास सुरू आहे. दास यांच्याविरोधात गुन्हा दाखल करण्यात आला आहे. या अपघातामुळे रस्त्यावरील सुरक्षिततेचा प्रश्न पुन्हा एकदा ऐरणीवर आला आहे.