>> रुपाली बडवे

Bmc Latest News : मुंबईचा डोलारा सांभाळणाऱ्या मुंबई मुख्यालयाच्या उपहारगृहातून गेल्या वर्षभरात जेवणाची ताटे, चमचे, ग्लास अशी हजारो भांडी गायब झाली आहेत. पालिकेतील कर्मचारी, अधिकारी जेवण, नाश्ता आपल्या कार्यालयात मागावतात परंतु खाल्ल्यानंतर ही भांडी उपहार गृहाला परत करतच नाहीत.

कॅन्टीनच्या कर्मचाऱ्यांनी भांडी मागितल्यास घरातून आणल्याचे सांगितले जाते. या बनवाबनवीमुळे उपहारगृह चालक मेटाकुटीला आले असून भांडी परत करण्याचे आवाहन त्यांनी अधिकारी, कर्मचाऱ्यांना केले आहे. (Latest News Update)

पालिकेतील काही कर्मचारी अधिकारी जेवण, नाश्ता आपल्या कार्यालयात मागवतात. जेवण झाल्यानंतर भांडी कार्यालयात तशीच ठेवली जातात ती परत केली जात नाहीत. त्यामुळे वर्षभरात हजारो भांडी कमी झाली असून 40 ते 50 हजारांचे नुकसान झाल्याची माहिती देण्यात आली आहे. त्यामुळे थेट उपाय ग्रहाच्या समोरच्या बाजूसच भांडी घेऊन जाऊ नका ! अशी सूचना लिहली आहे.

उपहारगृहातून भांडी घेऊन जाऊ नका!

उपहारगृहातून हजारो चमचे, ताटे, ग्लास गायब झाल्याने यापुढे उपहारगृहाबाहेर भांडी घेऊन जाऊ नका असे आवाहन कर्मचारी, अधिकाऱ्यांना करण्यात आले आहे. तशी विनंती करणारा फलक कॅन्टीन मध्ये झळकवण्यात आला आहे.

ही भांडी हरवली

• चमचे - 6 ते 7 हजार

• लंच प्लेट - 150 ते 200

• नाश्ता प्लेट - 300 ते 400

• ग्लास - 100 ते 150