रश्मी पुराणिक -

मुंबई : काल पंतप्रधान नरेंद्र मोदी (Narendra Modi) यांनी निवडणूक निकालानंतर केलेल्या भाषणामध्ये भ्रष्टाचार विरुद्ध भाजपा लढणार असल्याचे संकेत दिले. इतकंच नाही तर काहीजण केंद्रीय तपास यंत्रणांवर प्रश्नचिन्ह उपस्थित करत असल्याचं म्हणत पंतप्रधान नरेंद्र मोदी यांनी विरोधकांना टोला लगावला. यावरूनच महाविकास आघाडी सरकारला भाजपने इशारा दिला अशी चर्चा राजकीय वर्तुळात आहे.

त्याचप्रमाणे आज मुंबईत ही या निवडणूक निकाला नंतर भाजपा शक्ती प्रदर्शन करत आहे यावरून महा विकास आघाडी सरकार येणाऱ्या काही काळात अडचणीत येणार असे संकेत मिळत आहेत.

दरम्यान, देवेंद्र फडणवीस आमदारांसह छत्रपती शिवाजी महाराज स्मारकाला अभिवान करण्यासाठी विधानभवनावरती गेले. आणि त्यानंतर त्यांनी आज आनंद साजरा करा मात्र उद्यापासून कामाला लागा असे आदेशही भाजपच्या नेते आणि कार्यकर्त्यांना दिले.

उत्तरप्रदेश मध्ये सपाचा सुपडा साप केला. उत्तरप्रदेशमधील जनताही मोदींसोबत आहे. कुठल्याही लढाईने हुरळून जाऊ नका असली लढाई तर मुंबईत असल्याचं म्हणत त्यांनी सेनेला इशाराच दिला आहे. तसंच आम्ही कुठल्या पार्टीच्या विरोधात नाही आम्ही भ्रष्ठाचाराच्या विरोधात आहोत असंही यावेळी म्हणाले.

Edited By - Jagdish Patil