पुण्यात भाजपला रोखण्यासाठी दोन्ही राष्ट्रवादी एकत्र आल्यानंतर आता पिंपरी चिंचवडमध्येही पवार-काका पुतण्यांना नव्या भिडूची साथ मिळण्याची शक्यता आहे... उमेदवारी अर्ज दाखल करण्याच्या अखेरच्या दिवशी भाजपसोबतची युती फिस्कटल्यानंतर आता दोन्ही राष्ट्रवादीसोबत शिंदेसेनेची युती होण्याची शक्यता आहे... त्याबाबत अजित पवारांनी सूचक संकेत दिलेत...

खरंतर महापालिका निवडणूक जाहीर होताच भाजपनं मुंबई, पुणे आणि पिंपरी चिंचवडमध्ये अजित पवारांच्या राष्ट्रवादीसोबत युती करणं टाळलं. मुख्यमंत्र्यांनी या ठिकाणी राष्ट्रवादीसोबत युती होणार नसल्याचं जाहीर केलं. त्यामुळे भाजपला रोखण्यासाठी अजित पवारांनी थेट काका शरद पवारांशी जुळवून घेत युती केली... त्यानंतर जागा वाटपावरुन पुणे आणि पिंपरी चिंचवडमध्ये भाजप- शिंदेसेनेची युती फिस्कटली.. आणि धंगेकरांनी थेट अजित पवारांचं कार्यालय गाठत चर्चा केली...

दुसरीकडे पिंपरी चिंचवडमध्ये अजित पवारांनी शिंदे सेनेचे मंत्री उदय सामंतांशी चर्चा सुरु करत भाजपविरोधकांची मोट बांधलीय... त्यामुळे 2017 मध्ये भाजपनं जिंकलेला पिंपरी-चिंचवडचा बालेकिल्ला अजित पवार शिंदेसेना आणि पवारांच्या मदतीने खेचून आणणार का? याकडे राज्याचं लक्ष लागलंय...