मुंबई - मुंबईत सेना भाजप यांच्यातला वाद वाढण्याची शक्यता आहे. कारण प्राप्तिकर खात्याच्या करवाईला सामोरे जावे लागलेले माजी स्थायी समिती अध्यक्ष यशवंत जाधव यांच्या घराबाहेर भाजपने बॅनरबाजी केली आहे. (BJP Targets Shivsena Again in Mumbai)

फेब्रुवारी महिन्यात प्राप्तिकर खात्याने जाधव यांच्या घरावर छापा टाकला होता. त्यापूर्वी भाजपचे माजी खासदार किरीट सोमय्या (Kirit Somaiya) यांनी यशवंत जाधव यांच्यावर मनी लाॅंड्रिंगचा आरोप केला होता. आता पुन्हा एकदा भाजपने (BJP) जाधव यांच्या माध्यमातून शिवसेनेवर निशाणा साधला आहे.

शिवसेना (Shivsena) नेते यशवंत जाधव यांची पोल खोल, अशा आशयाचे बॅनर भारतीय जनता युवा मोर्चाने जाधव यांच्या घरासमोर लावले आहेत. "यशवंत जाधव यांनी कोरोनाच्या काळात या इमारतीत ३८ घरे विकत घेतली आहेत, कोविड काळात जेव्हा मुंबईकर ऑक्सिझन आणी औषधाच्या अभावी आपले प्राण गमवत होते त्यावेळी शिवसेना नेते यशवंत जाधव एका मागे एक तब्बल ३८ घर घेण्यात व्यस्त होते. एवढ्या पैशांत अनेक मुंबईकरांचे प्राण वाचू शकले असते," असे या बॅनरमध्ये नमूद करण्यात आले आहे.

Edited By - Amit Golwalkar