प्राची कुलकर्णी -

मुंबई : मुख्यमंत्री उद्धव ठाकरे आणि तेलंगणाचे मुख्यमंत्री चंद्रशेखर राव (CM Uddhav Thackeray and CM Chandrasekhar Rao) यांची आज मुंबईत भेट झाली आहे या भेटीबाबत केंद्रीयमंत्री रामदास आठवले यांनी प्रतिक्रिया दिली आहे. ते म्हणाले 'ते येऊन भेटातात तर उद्धव ठाकरेंनीही भेटावं तिसरी आघाडी झाली तरी त्याचा काही फरक पडणार नाही. आमचं सरकार मजबूत आहे.' असं आठवले म्हणाले.

ते पुढे म्हणाले, नेत्यांनी शिवराळ भाषा वापरु नये, महाराष्ट्राचे नुकसान होतंय. शिवाजी महाराजांच्या काळात मॅनेजमेंट होती. ठाकरे सरकारचं मॅनेज करण्याचं काम चालू असल्याचा आरोप त्यांनी केला. तसंच ओबीसी आरक्षण मिळावं. कोर्ट सकारात्मक निर्णय घेईल असा विश्वास त्यांनी व्यक्त केला. तर महापालिका निवडणूकांबाबत- चंद्रकांत दादा अंदाजे बोलले असतील असं म्हणत त्यांनी चंद्रकांत पाटील (Chandrakant Patil) यांची पाठराखण केली.

दरम्यान, 'आपण उद्धव ठाकरेंना हेच सांगणार की, ही दुश्मनी मिटवली पाहीजे, दोस्त दोस्त ना रहा ही परिस्थिती आहे. माझी उद्धव ठाकरेंना विनंती आहे, वाद मिटवावाच पण भाजप सेना यांना एकत्र यावं आणि महाराष्ट्राच्या जनतेचे प्रश्न सोडवा.' असंही आठवले म्हणाले.

Edited By - Jagdish Patil