मयूर राणे, साम टीव्ही
Mumbai News : मुंबईत धक्कादायक घटना घडली आहे. मुंबईत पूर्व द्रुतगती मार्गावर खळबळजनक घटना घडली आहे. पूर्व द्रुतगती मार्गावर कारचा दुचाकीला धक्का लागला. त्यानंतर दुचाकीस्वराने चाकूने भोसकून कार चालकाची हत्या केली. या घटनेने परिसरात खळबळ उडाली आहे.
मिळालेल्या माहितीनुसार, मुंबईच्या पूर्व द्रुतगती मार्गावर कारचा दुचाकीला धक्का लागला. त्यानंतर दोघांमध्ये वाद झाला. त्यानंतर दुचाकीस्वराने चाकूने भोसकून कार चालकाची हत्या केली. ही हत्येची घटना सायंकाळी रविवारी ६ वाजण्याचा सुमारास घडली. या घटनेत झीशान शेख नावाच्या कार चालकाचा मृत्यू झाला आहे.
कार चालकाची हत्या झाल्याची माहिती मिळताच पोलीस घटनास्थळी पोहोचले. या हत्येच्या घटनेनंतर आरोपी दुचाकीस्वारकाने पळ काढल्याची माहिती मिळत आहे. पोलिसांकडून पळून गेलेल्या आरोपी दुचाकीस्वाराचा शोध सुरु आहे. चालकाच्या हत्येने परिसरात खळबळ उडाली आहे.
पूर्व द्रुतगती मार्गावरील घाटकोपरजवळ दुचाकीस्वार आणि कार चालकात झालेल्या भांडणातून दुचाकीस्वाराने कार चालकाची हत्या केली आहे. झीशान शेख असे मृत कार चालकाचे नाव आहे. झीशान हा त्याच्या मित्रासह पूर्व दृतगती मार्गावरून कुरल्याच्या दिशेने जात होते. या वेळी घाटकोपरजवळ एक स्कूटीवरून चाललेल्या दुचाकीस्वाराला त्यांच्या गाडीचा धक्का लागला.
यावरून झालेल्या भांडणात दुचाकीस्वराने त्याच्या दुचाकीत ठेवलेला सुरा बाहेर काढला आणि झीशानच्या छातीत खुपसून त्याची हत्या केली. ही हत्या करून आरोपी दुचाकीस्वार घटनास्थळावरून पळून गेला. पोलिसांनी हत्येच्या गुन्ह्याची नोंद करून अज्ञात आरोपीचा शोध सुरू केला आहे. या आरोपीचा शोध घेण्यासाठी उपायुक्तांनी दहा पोलीस पथके तयार केली आहे. पोलिसांनी या आरोपीचा शोध सुरू केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.