- सचिन कदम

Bharat Gogawale News : पान, सुपारी, तंबाखू, विडी, काडी, दारु, माडी याबराेबरच चहा मी घेत नाही. त्यामुळे तंबाखू खाण्याचा प्रश्न येत नाही. आमच्याबद्दल विराेधक बाेलताहेत त्यांना बाेलू द्या पण आमच्या सर्व सहका-यांना माहित आहे आम्ही व्यसन करीत नाही. त्यामुळे प्रश्नच नाही असे आमदार भरत गाेगावले (Bharat Gogawale Latest News) यांनी पुडीवरुन झालेल्या प्रकरावरुन स्पष्टीकरण दिले. (Maharashtra News)

विधानसभेच्या अधिवेशनाचे वेळी मुख्यमंत्र्यांच्या भाषणा दरम्यान आमदार भरत गोगावले यांनी मंत्री शंभुराज देसाई यांच्याकडुन काहीतरी घेतल आणि ते खाल्लं. या त्यांच्या कृतीवर आमदार आदित्य ठाकरे यांनी आक्षेप घेतला होता. तसेच सभागृहातील दृष्य आणि त्याची एकच चर्चा हाेती ती म्हणजे पुडीची. शंभूराज देसाईंनी (shambhuraj desai) भरत गोगावलेंना दिलेल्या पुडीवर गाेगावलेंनी स्पष्टीकरण दिले आहे.

आम्हांला कोणते हि व्यसन नाही. केवळ मुखशुद्धीसाठी शंभुराज यांच्याकडुन इलायची घेतल्याचे गोगावले यांनी सांगितले. विरोधक त्यांचे काम करत राहणार मुख्यमंत्री, उपमुख्यमंत्री सर्वांनाच माहिती आहे आम्ही कोणतेच व्यसन करीत नाही. त्यामुळे तंबाखुचा प्रश्न येत नाही असेही गोगावले यांनी महाड येथे पत्रकारांशी बोलताना स्पष्ट केले.

Edited By : Siddharth Latkar